УИХ-ын Нийгмийн бодлого, боловсрол, соёл, шинжлэх ухааны байнгын хороо өнгөрөгч намрын чуулганы хугацаанд хий­сэн аж­лаа өчигдөр тай­лагналаа.

Тус байнгын хороо чуулганы хугацаанд 63.1 ху­вийн ирцтэйгээр найман удаа хуралдаж, 23 асуу­дал хэлэлцжээ.

Хэлэлцэж буй хуу­лийн төслүүдээс хамгийн их анхаарал татах нь УИХ-ын ги­шүүн С.Эрдэнэ, С.Ганбаатар нарын өргөн мэдүүлсэн Иргэний эрүүл мэндийн даатгалын тухай хуулийн төсөл байлаа хэ­мээн тус байнгын хороо­ныхон мэдээлэл хийх үеэрээ хэлж байлаа.

Түүнчлэн 2013 оны намрын ээлжит чуулганы хугацаанд Байн­гын хо­рооны тогтоолоор нийт хя­налт шалгалтын чиг үүрэг бүхий зургаан аж­лын хэсэг бай­гуу­лан, ажил­лаж, эрхлэх асууд­­лын хүрээнд харьяалагдах байгууллагуудад хол­богдох хууль тогтоомжийн бие­лэлт, хэрэг­жил­тэд хяналт тавин ажиллаж байгаа аж.

Тухайлбал, УИХ-ын гишүүн С.Эрдэнэ, С.Ган­баатар нарын са­наа­чилсан Иргэний эрүүл мэндийн даатгалын тухай хуулийг тус Байн­гын хороо хэлэл­цүүлэгт бэлтгэх үүрэг бүхий ажлын хэсэг бай­гуулан, ахлагчаар нь УИХ-ын ги­шүүн С.Одонтуяа ажил­лаж байгаа юм.

Мөн Соёлын өвийг хамгаалах тухай хуулийн төслийг бүх шат­ны хэлэлцүүлэгт бэлтгэх үүрэг бүхий ажлын хэсэг бай­гуулан ажиллаж байгаа гэдгийг ч Байнгын хорооны дарга Д.Батцогт хэлж бай­сан юм.