Хэнтий аймгийн Бор - Өндөр сумын уулын баяжуулах үйлдвэр 34,6 тэрбум төгрөгний ашигтай ажилласан байна. Мөн тус аймгийн Баргилтын төмрийн ордын нөөцийг дахин шинэчлэн тогтооно. 

УИХ-ын гишүүн, ЗГХЭГ-ийн дарга Л.Оюун-Эрдэнэ: 

Зүүн цагаан тэл гэх нэмэлт уурхайг судалж байна. Энэ нэмэлтээр ажиллаад эхэлбэл Бор - Өндөр хотын ирээдүй өөрчлөгдөнө. Бүсчилсэн хөгжлийн үзэл баримтлалын дагуу суурин газруудад боловсруулах үйлдвэр барих ажил хэрэгжүүлнэ. Жишээ нь Дархан хотод Дарханы аж үйлдвэрийн парк байгуулагдахаар болсон. Зүүн бүсийн аймгууд хэрхэн бараа бүтээгдэхүүнээ тийш зөөх вэ? гэсэн асуудал гарч ирнэ. Хэнтий аймгийн Бор - Өндөр сум маань төмөр замтай учраас тээвэр логистикийн асуудлыг судлах ажлын хэсэг гаргаж байна.