“Эх нутгийн иргэд” ТББ нь Төв аймгийн Нутгийн Залуучуудын холбоотой хамтран “Лавайн эгшиг” түүх, танин мэдэхүйн мэдээллийн сэтгүүлийг ивээн тэтгэж хэвлүүлдэг. Мөн “Эх нутгийн иргэд” ТББ нь Төв аймгийн “Төв таймс” сонинг ивээн тэтгэж хэвлүүлж байна.

Баянжаргалан, Баянцагаан, Сэргэлэн сумдын малчдын бага насны хүүхдүүдийн сургуулийн өмнөх боловсролд шаардлагатай явуулын гэр цэцэрлэгийн асуудлыг иж бүрнээр шийдвэрлэхэд дэмжлэг үзүүлж цагаан сарын баярын өмнө хүлээлгэн өгөв.

Зуунмод суманд хүүхэд залуучуудын парк байгуулах ажлыг санаачлан зохион байгуулсан.

“Эх нутгийн иргэд” ТББ нь  Баян суманд нутгийн сүсэгтэн олонд зориулсан Сандагдаржайлан хийдийг бүтээхэд оройлон оролцов.

Борнуур сум байгуулагдсаны 70 жилийн ойг тохиолдуулан “Заяа түшсэн нутаг” түүхийн номыг ивээн тэтгэн хэвлүүлж нутгийн өрх бүрт тараасан.

2008 оноос эхлэн “Эх нутгийн иргэд” ТББ нь “Нутгийн залуучуудын холбоо”-той хамтран Шинэ жилийн баярын “Алтан шанага” цэнгүүнийг зохион байгуулж Төв аймгийн болон Төв аймгаас гаралтай Улаанбаатар хотод амьдардаг иргэд залуучуудыг оролцуулж амжилт бүтээлийг нь урамшуулж орон нутгийнхаа хөгжил цэцэглэлтэнд улам идэвхтэй оролцох хүсэл зоригийг нь бадрааж өгдөг болоод байгаа нь жилээс жилд улам ...

Газар тариалангийн бүс нутгийн тариаланчдад бага оврын трактор, дагалдах төхөөрөмжийн хамт 6 иргэнд, иж бүрэн хадуур 2 иргэнд хүлээлгэн өгсөн.

Архуст, Дэлгэрхаан сумдын хүн эмнэлгийн машиныг 2009 онд шинээр олгуулсан

Мөнгөнморьт суманд усны машин хүлээлгэн өгсөн.

Баянцогт суманд халуун усны газрыг ашиглалтанд оруулсан.

Баян-Өнжүүл сумын 04 цахилгааны шугам шинэчлэл хийгдсэнээр төвийн эрчим хүчний шугаманд найдвартай  холбогдсон.

Зуунмод суманд 20 айлын орон сууцны болон хуульчдын хотхоны барилгын ажлын хөрөнгө оруулалтын асуудлыг шийдвэрлэхэд дэмжлэг үзүүлсний дагуу 20 айлын орон сууц  ашиглалтанд орж, хуульчдын хотхон дуусах шатандаа явж байна.

Засгийн газрын гишүүний хувьд Төв аймгийн төр захиргааны болон ААНБ-дад улсын төсвийн болон бусад чиглэлийн хөрөнгө оруулалтаар шийдвэрлэгдэх нэн шаардлагатай чухал ажлууд дээр анхаарлаа хандуулж хуулийн хүрээнд хамтын шийдвэр гаргах түвшинд дэмжлэг үзүүлсэнээр Эрдэнэ сумын Мэргэжлийн сургалттай дунд сургуулийн байрны барилгын ажил, Баянжаргалан сумын дунд сургуулийн их засварын ажил хийгдэж ашиглалтанд орсон.

ХХААХҮЯ-ны Жижиг дунд үйлдвэрийн газрын мэргэжилтнүүд ба УИХ-ын гишүүний бие төлөөлөгч нарын оролцоотойгоор 2009 оны 8-р сарын 24-нд Баянзүрх дүүргийн Жижиг дунд үйлдвэрийн инкубатор сургалтын төвд 50 гаруй иргэдэд, 2009 оны 9-р сарын эхээр зүүн 8 суманд жижиг дунд үйлдвэрийн чиглэлээр төсөл боловсруулах сургалт явуулж, иргэдэд Засгийн газраас гаргасан ЖДҮ-ийг дэмжих сангийн 30 тэрбум төгрөгийн санхүүжилт, төсөлд хамрагдах бол...

Сургалтын төрийн сангийн тэтгэлэгт хамрагдах ба сургалтын төлбөрт туслалцаа үзүүлэхийг хүссэн 12 хүүхдийг зохих журмын дагуу хөнгөлөлттэй зээл, буцалтгүй тэтгэлэгт хамруулсан.

Хүн амын орлого бага, амьжиргааны түвшин доогуур 40 гаруй өрхөд гэр олгосон.

Солонгосын халамжийн байгууллага, “Эх нутгийн иргэд” ТББ-ын хамтын ажиллагааны шугамаар аймгийн нийт сумдын дунд судалгаа явуулснаар зүрхний төрөлхийн гажигтай 3-14 насны 10 хүүхдийг БНСУ-д явуулж үнэ төлбөргүй мэс заслын эмчилгээг хийлгэв.

Бүх сумдын сургууль ба номын санд хүүхдийн 6 төрлийн англи, монгол хэл дээрх 6000 гаруй номыг “Ирмүүн” ХХК-тай хамтран хэвлүүлж хүлээлгэн өгсөн.

“Эх нутгийн иргэд” ТББ-аас 15 сумын сургууль цэцэрлэг эмнэлэгүүдэд компьютор, принтерийн хамт олгосон.

Зуунмод ба Баянчандмань суманд ахмадын чийрэгжүүлэлтийн танхим байгуулсан.