УИХ-ын чуулганы нэгдсэн хуралдаан үргэлжилж байна. Уг хуралдаанаар Эдийн засгийг идэвхижүүлэх зарим арга хэмжээний тухай УИХ-ын тогтоолын төслийн анхны хэлэлцүүлгийг хийж, Эдийн засгийн байнгын хорооноос оруулж ирсэн зарчмын зөрүүтэй саналын томъёоллоор санал хураалгаж, мөн гишүүд сонирхсон асуултдаа хариулт авч, саналаа илэрхийлж байна.

Хэлэлцүүлгийн шатанд УИХ-ын гишүүд банкны зээлийн хүү өндөр байгаад шүүмжлэлтэй хандаж, банкны салбарыг либеральчлах талд шийдвэртэй алхам хийх цаг болсныг сануулж байна.

Г.Баярсайхан: Ашиггүйг нь хувьчлаж, ашигтай нь эрх зүйн орчноор дэмжих хэрэгтэй

Энэ тухай УИХ-ын гишүүн Г.Баярсайхан

Төрийн өмчийн үйлдвэрийн газар гэсэн маш том “бялуу” байдаг. Үе үеийн Засгийн газар энэ бялуунд асар их дурласан байдаг. Энэ утгаараа ард түмний өмч үрэн таран хийгдсэн байдаг. Темесакийн хувилбар яригдаж байна. Дэлхийд шалгарсан хувилбар, бид үүнийг өөрийн хөрсөн дээр зөв зүйтэй буулгаад явах ёстой. Өнөөдөр ашиггүй ажиллаж байгаа бүх аж ахуй нэгжийг хувьчлаад, ашигтай ажиллаж байгаад нь “төдий хэмжээний орлого улсад оруул” гэсэн үүрэг өгдөг, тодорхой эрх зүйн орчинтой байж улсын үйлдвэрийн газрыг цааш нь авч явна.

Гэр бүлийн хэдэн банк инкубаторын орчинд 20 шахам жил явлаа. Маш өндөр хүү тавьдаг иргэд, аж ахуйн нэгжүүд бизнес хийе гэхэд хамгийн бага хүү жилийнх нь 18 хувь. Дээр нь валютын ханш өссөөр 1802 төгрөгтэй тэнцлээ. Удахгүй ам.доллар 2000 төгрөгтэй тэнцэхийг үгүйсгэх аргагүй. Хариуцлагыг нь хүлээхгүй юм уу, энэ асуудлыг төв банк, Ерөнхий сайд нартай ярих л ёстой. Хэдий болтол банк санхүүгийн хатуу орчныг УИХ нь дэмжсээр байх вэ” гэлээ.

Д.Ганбат гишүүн НӨТ-ын татвар олон боломжыг хааж байгаа хэллээ

Өнөөдөр 10 саяын босготой, 10 хувийн татвар болох НӨАТ-ыг өөрчлөх цаг болсон. Босгогүй болгож, бүх нийтээрээ 5 хувийн татвар болох хэрэгтэй. Энэ хуулийг яаралтай оруулж ирэх ёстой. Нөгөө талаараа ААН-үүд хоёр талын ялгавартай татвар төлж байгаа 3 тэрбумаас дээш бол 25 хувь, нөгөө нэг хэсэг нь 10 хувь төлж байна. Энэ нь том ААН-үүдийг томорч чадахгүй компаниудаа жижиглээд явчхаж байна. Үүн дээр анхаарах хэрэгтэй.

Манай банкны систем болохгүй байна. Мэдээж төрийн өмчийн оролцоотой банкнууд байгуулах асуудал бол манайд ҮАБЗ-өөр орж хэлэлцэх ёстой асуудал.6 Банкны өндөр хүүнээс болж манай сонгогчид, малчид өр зээлэнд баригдаж дууслаа. Хэдий болтол ийм өндөр хүүтэй зээлээр бизнесийн орчинг гоё болгоно гэж ярих юм бэ.

Гишүүд банкны салбарыг либеральчлахад шийдвэртэй алхам хийх цаг болсныг санууллаа