УИХ-ын чуулганаар Эдийн засгийг идэвхижүүлэх зарим арга хэмжээний тухай УИХ-ын тогтоолын төслийн анхны хэлэлцүүлгийг хийж, Эдийн засгийн байнгын хорооноос оруулж ирсэн зарчмын зөрүүтэй саналын томъёоллоор санал хураалгалаа.

Байнгын хорооноос““Хувийн хэвшлийн үйл ажиллагаанд дарамт учруулсан, давхацсан хяналт шалгалтыг хийхгүй байх” гэсэн санал орж ирсэн юм.

Энэ үеэр Сангийн сайд Ч.Улаан " Энэ ажлыг үр дүнтэй хэрэгжээсй гэдэг үүднээс асууж байна. Дарамт учруулсан гэдэг маань өөрөө эргээд үнэлж, дүгнэхэл хэцүү ойлголт. Шалгалт бүхэн чинь л шалгуулж абйгаа хүндээ дарамт шүү дээ. Тиймээс үүнийг зөв найруулж оруулах ёстой. Мэдээж давхардсан хяналт, шахалт үзүүлэхгүй байх нь зөв" хэмээн санал гаргасан гишүүдээс асуулаа.

Энэ саналыг Д.Зоригт, Г.Батхүү, М.Батчимэг, Б.Гарамгайбаатар, С.Дэмбэрэл, Д.Хаянхярваа, Ч.Хүрэлбаатар, Л.Энх-Амгалан нарын гишүүд гаргасан юм.

УИХ-ын гишүүн Д.Зоригт "Тогтоол дээр ажиллах хугацаанд бизнесийхний 160 гаруй санал хүлээж авсан. Ингэх үед төрийн хяналт шалгалт их давхцаж байна. Дарамттай байна гэсэн санал их ирсэн. нэг байгууллага хяналт шалгалтын ажил хийгээд явахаар нөгөө байгууллага нь ороод ирдэг. Хяналтын байгууллагууд ямар ч уялдаагүй нь дарамт болоод байна.

Хяналтын байгууллагуудын уялдаагүй байдал нь бизнес эрхлэгч нарт дарамт болж байна