Улсын Их Хурлын чуулганы пүрэв, баасан  гаригын нэгдсэн хуралдаанаар Засгийн газраас энэ сарын 18-ны өдөр нэн яаралтай хэлэлцүүлэхээр өргөн мэдүүлсэн “Эдийн засгийг эрчимжүүлэх зарим арга хэмжээний тухай” Улсын Их Хурлын тогтоолын төслийн хэлэлцэх эсэх асуудлыг хэлэлцэж, дэмжлээ.

Д.Ганбат гишүүн асуулт асуулаа

Өнөөдөр эдийн засаг ийм болчхоогүй. Сүүлийн 20-70 жилийн асуудлыг хоёр жилийн дотор өргөс авсан юм шиг засах хэцүү. Гэхдээ эдийн засагт төр хэтэрхий оролцож байна. Ингэж оролцсоноор байдлыг улам дордуулаад байх шиг байна.  Өмнөд хөршийн эдийн засгийн энэ их өсөлтийг дагаад явж байхад манай улсын эдийн засаг сайжирчих л юм байгаа юм шүү дээ.  Тэднийх рүү уул уурхайн баялаг тэдний хувьд өчүүхэн юм шүүд ээ. Энэ баялгаа зөв зохистой нийлүүлэх л асуудал бий. Манай эдийн засаг хүндрэл мөнгөндөө бус бидний сэтгэлгээнд байгаа юм.

Энэ хөтөлбөрт 23 ажлыг  жагсаажээ. Үүнээс тоймтой хоёроос гурван ажлыг жагсааж, үүнийгээ дагуулаад хийх ажлыг жагсаах нь зөв зүйтэй байх. Гэхдээ асуудалд судалгаан дээр тулгуурлан хандах ёстой. Эдийн засаг хүндэрсэн энэ үед хүнд тусах нийгмийн хэсэгтээ нийгмийн халамжийг анхаарах хэрэгтэй.