2006 онд Монголын тулгар төр байгуулагдсаны 800 жилийн ой, Монгол, Японы хооронд дипломат харилцаа тогтоосны 35 жилийн ой 2007 онд тохиосонтой холбогдуулан дээрх жилүүдийг тус тусын жил болгож урт хугацаанд тэмдэглэн өнгөрүүлэх санаачилгыг анхлан гаргасан. "Соёлын өдрүүд" нэрээр 7 хоногийн хугацаатайгаар харилцан зохион байгуулж байсан энэ ажлыг бүтэн жилээр явуулах болгож хугацааг нь нэмэгдүүлснээр хоёр орны харилцаа дараагийн шатанд дэвшин оров.