Явган хүний гарцын аюулгүй байдал шаардлага хангахгүй байна

Хүний эрхийн дэд хорооны дарга С.Эрдэнэболд болон Хүний эрхийн дэд хорооны гишүүн Х.Баасанжаргал, М.Нарантуяа-Нара, Г.Уянгахишиг нар явган хүний гарцын аюулгүй байдал, нөхцөл байдлын талаар мэдээлэл хийлээ.

2025 оны 2 дугаар сарын 14-ний өдөр Хүний эрхийн дэд хорооны дарга, гишүүд Тээврийн цагдаагийн газар ажиллаж, нөхцөл байдалтай танилцав. 2025 оны 3 дугаар сарын 07-ны өдөр ТЦГ-аас шинэчлэх шаардлагатай уулзвар болон хүүхдийн сургалтын төвийн саналыг авсан. Улаанбаатар хотын хэмжээнд 176 уулзвар байдаг бөгөөд 2023 онд 292 явган зорчигч зам тээврийн осолд өртсөн бол 2024 онд 535 явган зорчигч хохирч хэргийн гаралт огцом өссөн тоо баримт бий.

Тухайлбал 2023 онд зохицуулалттай гарц дээр 16 явган зорчигч, зохицуулалтгүй гарц дээр 276 явган зорчигч гэмтсэн байсан бол 2024 онд энэ тоо 535 болж 56.5%-иар эрс өссөн мэдээ баримт бүртгэгджээ.

Тээврийн Цагдаагийн Газраас ирсэн саналыг дүгнэвэл

• Явган зорчигчийн эрчим ихтэй 5 уулзварт гүүрэн болон нүхэн гарц байгуулах.
• Механик ажиллагаатай гэрлэн дохио 15 байршилд суурилуулах.
• Зөөврийн гэрлэн дохио 10ш замын засвар, баяр наадмын үеэр тухайн байршилд явган зорчигчийн аюулгүй байдлыг хангах
• Software system: явган зорчигчийг мэдрэх, гэрэл асах, аюулгүйн дохиолол, хяналтын ухаалаг камерийг багтаасан системийг 41 байршилд суурилуулах.
• Хяналтын камер 15 байршилд нэмж суурилуулах.
•  Хүүхдийн замын хөдөлгөөний сургалтын талбайг бий болгох.