УИХ-ын чуулганы /2025.04.03/-ны өдрийн хуралдаанаар Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд үг хэллээ.

УИХ-ын гишүүн А.Ариунзаяа: 

Хуулийн 27.2.3-д албан татвар, төлбөр хураамж тогтоосон харилцааг зөвхөн хуулиар буюу УИХ-аар зохицуулна гэдэг заалт хэрэгжих боломжтой юу, үгүй юу? Мөн төсөв дагаж орж ирж байгаа хуулиудыг хязгаарлаж байна. Гэхдээ ковид шиг онцгой нөхцөл үүсэхэд төсөв дагуулаад орж ирдэг онцгой хуулиуд байдаг. Энэ ньэргээд хэрэгжих, хэрэгжихгүй, буцаад чөдөр тушаа болчих вий гэсэн болгоомжлол байна. Анхдагч болон салбарын хуулиудыг Засгийн газар хариуцна гэдэг байсан. Одоо 126 гишүүнтэй болчихсон. Гишүүн болгон салбарын асуудлыг өргөн барьж болдог болох нь. Энэ нь эргээд эрсдэл үүсгэдэг. УИХ-ын чуулганы дэгийн тухай хуульд Ерөнхийлөгч, УИХ-ын гишүүдээс өргөн барьсан байгаа хууль тогтоомж дээр засгийн газар санал дүгнэлт гаргадаг.

Хэрвээ дэмжээгүй бол энэ саналаа УИХ-ын чуулганы нэгдсэн хуралдаанд 10 минутын дотор хууль зүйн асуудал эрхэлсэн Засгийн газрын гишүүн танилцуулна гэж орчихсон байгаа. Энэ хуулийн заалтыг хэрэгжүүлэх шаардлагатай байна. Өмнө нь Засгийн газрындэмжээгүй хуулийг гишүүдийн хамтын шийдвэрээр өөрчлөлт оруулж байсан тохиолод маш их байгаа. Мөн батлагдсан хууль хэрэгжихгүй байна, үүний учир шалтгааныг маш сайн тодорхойлох ёстой.

Сэтгүүлч

Сэтгүүлч Ц.Соёлмаа soyolmaa@vip76.mn