УИХ-ын чуулганы /2025.05.15/-ны өдөр “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Д.Энхтүвшин:

Тарааж өгсөн материалын чанар сайнгүй байна. Мэдээлэл дээр байгаа тоо зөрүүтэй байна. 150 мянган орон сууц барина гэжээ. Гэтэл энэ тоо бараг Монгол улсын хэмжээнд буй ний орон сууцын бараг 50%-тай тэнцэхээр. Гэтэл хавсралт гурав дээр 19 мянган орон сууцыг, 54 мянга болгоно гэсэн өөр тоо байх юм. Соёлын сайд жуулчдын тоог 1,1 сая гэж ярьсан, гэтэлэнэ дээр 1,6 сая гэсэн байна. Энэ мэт зөрүүтэй тоон мэдээлэл байна. Тэгэхээр энэ төлөвлөгөөг боловсруулж буй хүмүүс сайн анхаарч ажиллах шаардлага харагдаад байна. Дээр нь хавсралт 1,2,3 хоорондоо уялдах ёстой. Жишээлбэл төрийн өмчийн компаниудтай холбоотой зардлыг нь 15%, өгөөжийг нь 30%, бүтээмжийг нь 30%-аар нэмэгдүүлнэ гэсэн заалт байгаа боловч 2,3-р хавсралтад энэ асуудлууд хэрхэнявах нь байхгүй байх жишээтэй.

Зарим нэг үзүүлэлтийг сайжруулна гэсэн ч, яг өөрчлөлт байхгүй байна. УИХ-ын хувьд гишүүд болон мэдээлэл өгч байгаа хүмүүс үнэн, зөв мэдээлэл өгөх үүрэгтэй байдаг. Гэтэл одоо боловсруулсан бичиг, баримт зөрүүтэй байна.ЗГ-ын үйл ажиллагааны хөтөлбөрт эдийн засаг дахь төрийн оролцоог буулгаж, хувийн хэвшлийн нэмэгдэл өртгийн ДНБ-д эзлэх хувийг нэмэгдүүлнэ гэсэн заалт байгаа. Энэ үзүүлэлтийг 2026 онд хэд болох вэ. Дээр нь иргэдийг хамгийн их бухимдуулж байгаа агаарын бохирдол, түгжрэлтэй холбоотой асуудлыг шийдэх үзүүлэлтийг нэмж болох уу. Стратегийн ордуудыг эдийн засгийн эргэлтэд оруулна гэж заасан байна. Ямар, ямар стратегийн ордуудыг эдийн засгийн эргэлтэд оруулахаар төлөвлөж байгаа вэ.

Сэтгүүлч

. Ц.Соёлмаа