Нэгдүгээрт,

Сая төрийн албаны зөвлөлөөс бүх орон нутагт ажиллаж төрийн албаны хуулийн хэрэгжилт, бодит байдлын дүр зургийг харсан. Түүгээр юу өгүүлэгдэв? Шийдлийг яаж зөв олох вэ гэдэг асуудал байгаа юм. Тиймээс төрийн албаны зөвлөлийн гишүүнээр томилогдож очоод тайлангуудыг үзээд, төрийн албаны өмнө тулгамдаад байгаа асуудлуудыг эрх зүйн хувьд, бодлого чиглэлийн хувьд сайжруулах тал дээр зүтгэл гаргаж ажиллаарай гэдгийг хэлмээр байна.

Хоёрдугаарт,

Төрийн албаны ерөнхий мэргэжилтний чиг үүрэг гүйцэтгэх ёстой хүмүүсийг төрийн жинхэнэ албаны ангилал руу оруулж ирээд шалгалт аваад байгаа нь хүндрэлийг бий болгож байгаа. Энэ бол төрийн байгууллагуудын зохиомол хүндрэл бий болгоод байгаа үйл явц юм. Байгаль орчныг хамгаалах чиглэлээр, тусгай хамгаалалттай газар нутаг, ойн чиглэлээр үйл ажиллагаа явуулж байгаа хүмүүс заавал төрийн жинхэнэ албан хаагч байх ямар албатай юм? Мал эмнэлгийн ажилтнууд яагаад төрийн жинхэнэ албан хаагч байх ёстой юм? Харин төрийн жинхэнэ албан хаагч болон төрийн үйлчилгээний албан хаагч хоёрын ангилал өөрчлөгдөхөд нийгмийн баталгаа нь дорддоггүй байх ёстой. Ийм талаасаа асуудлаа харах ёстой. Ийм эрх зүйн зохицуулалт, судалгаа дээр санаачилга гаргаж ажиллах хэрэгтэй.

Гуравдугаарт,

Босоо, хэвтээ чиглэлийн томилгоо яриад мөнхийн хэрэлддэг хүмүүс. Нийгмийн салбаруудын удирдах бүрэлдэхүүнийг зарим нь хэвтээгээр, зарим нь босоогоор томилох ёстой гээд байдаг.

Түүний асуултад Төрийн албаны зөвлөлд нэр дэвшигч Л.Золзаяа хариуллаа.

Ж.Батжаргал: Төрийн жинхэнэ албан хаагч болон төрийн үйлчилгээний албан хаагч хоёрын ангилал өөрчлөгдөхөд нийгмийн баталгаа нь дорддоггүй байх ёстой