УИХ-ын нэгдсэн чуулганаар Монгол улсын Ерөнхий сайдаар У.Хүрэлсүхийг улираан томилох асуудлыг хэлэлцэж байна. 

Монгол Улсын Их Хурлын найм дахь удаагийн сонгуулийн дүнгээр Улсын Их Хуралд хамгийн олон буюу 62 суудал авсан МАН-ын Бага хурал өчигдөр хуралдаж, Монгол Улсын Ерөнхий сайдад Улсын Их Хурлын гишүүн, МАН-ын дарга Ухнаагийн Хүрэлсүхийг нэр дэвшүүлж санал нэгтэй дэмжин, Ерөнхий сайдад нэр дэвшигчийг зөвшилцөх саналаа Монгол Улсын Ерөнхийлөгчид өргөн мэдүүлжээ.

УИХ-ын гишүүн С.Ганбаатар Ерөнхий сайдад хандан гурван асуудлыг хэллээ.

"Биеэ тоож, аархаж болохгүй. Ерөнхий сайдын ажил Монгол улсын аж амьдрал, хөгжил дэвшлийн гол тулгуур шүү.

Ерөнхий сайд ажлаа хийгээд гурван зөвлөгөө өгмөөр байна. Нэгдүгээрт, гол асуудлаа барьж аваарай. Өнгөрсөн 4 жил ингэж яг чадаагүй шүү. Оюутолгойн гэрээ рүү анхаараарай. Өөрчлөөрэй. Бид сөрөг хүчин, эрх баригч гэхгүй хамтарч ажиллах ёстой. Хоёрдугаарт ГОК-ын 49 хувийн асуудал байна. Яг шийдэгдээгүй байна. Алцганаад л явна. Энэ бол Монголчууд , тэр дундаа Эрдэнэтчүүдийн эрх ашиг зөрчигдөж байна шүү. Гуравдугаарт, Улсын 3 талт хэлэлцээрийг заавал хийх хэрэгтэй. Би үүнийг яаж хийх вэ гэхээс илүү, үүнийг хэнээр хийлгэвэл сайн бэ гэдгийг бодох хэрэгтэй. Аймаг, орон нутагт таны ажлыг нураадаг шүү. Тиймээс аймгийн 3 талт хэлэлцээрийг хийж ажиллаарай.  Мөн Уул уурхайн баялгаа ард олондоо хүртээх дээр хамтарч ажиллая.