УИХ-ын гишүүн, Зам тээврийн сайд Б.Дэлгэрсайхан тойрогтоо ажиллаж байна. Тэрээр, 2024 оны Намрын чуулганы тойм, баталж хэлэлцсэн хууль тогтоолын талаар танилцуулж, Монгол Улсын эдийн засгийн төлөв байдлын тухай, 14 мега төслөөс УИХ болон Засгийн газар хамтран амжилттай хэрэгжүүлж эхлээд буй 4 мега төслийн танилцуулга, Говьсүмбэр аймагт хэрэгжүүлэх орон сууцжуулалтын талаар танилцууллаа.

Энэ үеэр ажил үйлсээрээ ард олноо манлайлж, эх орныхоо хөгжил дэвшилд үнэтэй хувь нэмэр оруулсан ахмад 16 нэр бүхий хүмүүсийг Ерөнхийлөгчийн зарлигаар Монгол Улсын төрийн одон, медалиар шагнав.