УИХ-ын гишүүн Ч.Ундрам иргэд, сурагчдаас ирүүлсэн хүсэлтийн дагуу Сэлэнгэ аймгийн Ерөө сумын Бугант тосгоны Ерөнхий боловсролын сургуулийн 11А ангийн сурагчид, Сэлэнгэ аймгийн Алтанбулаг сумын ИТХ-ын төлөөлөгчдөөс ирүүлсэн хүсэлтийн дагуу өнөөдөр Төрийн ордонд хүлээн авч уулзлаа.

Парламентын боловсрол олгох хөтөлбөрийн хүрээнд Монгол Улсын Их Хурлын үйл ажиллагаа болон Төрийн ордонтой танилцуулах арга хэмжээг иргэд болон ЕБС-ийн сурагчдад зориулан зохион байгуулдаг билээ. Бугант тосгоны 11А ангийнхан Төрийн ордны түүх, Төрийн ордон дахь уран зураг, урлагийн бүтээлүүд, төрийн бэлгэ тэмдэг болон хууль хэрхэн бүтдэг талаарх анхан шатны мэдлэг хуримтлуулаад буцлаа.