"Эв нэгдлийн цом-2025" спортын таван төрөлт тэмцээний нээлт өчигдөр /2025.05.05/ боллоо.

Спортын таван төрлөөр зохион байгуулж буй энэхүү тэмцээнд Удирдах зөвлөлийн ажлын алба, УИХ дахь МАН-ын бүлэг, Нийслэлийн намын хороо, НИТХ дахь МАН-ын бүлэг, сургалт судалгааны Стратеги академи, Дэвшилтэт бодлогын хүрээлэн, "Монголын Үнэн" сонин, намын дэргэдэх Төрийн бус байгууллагууд, нийслэлийн 9 дүүрэг, 21 аймгийн намын хорооны баг, тамирчид оролцож байна.

Нийт 36 багийн 1200 гаруй тамирчин 67 медалийн төлөө өрсөлдөж буй "Эв нэгдлийн цом-2025" тэмцээний эхний өдөр гарбөмбөг, ширээний теннисийн төрөлд хурд хүчээ сорьж байна. Тэмцээний дараагийн өдрүүдэд сагсан бөмбөг, шатар, дардсын төрөлд баг, тамирчид өрсөлдөн шилдгүүдээ шалгаруулснаар гурван өдрийн турш үргэлжлэх "Эв нэгдлийн цом-2025"-ын эзэн, медальтнууд тодрох юм.