Сүхбаатар дүүргийн Засаг дарга Х.Болормаа сар бүрийн мягмар гаригт иргэдийг хүлээн авч уулздаг. Энэ удаад Засаг даргатай уулзах хүсэлтээ ирүүлсэн хуваарийн дагуу 17 иргэнтэй уулзаж, тэдний санал, бодлыг сонслоо.

Уулзалтад ирсэн иргэдийн олонх нь газар, иргэний бүртгэлтэй холбоотой асуудлыг тавьж, дахин төлөвлөлтийн ажлыг эрчимжүүлэхэд холбогдох байгууллагад уламжилж өгөх, долоон буудал, 100 айл орчмын ил задгай худалдаа, хөгжлийн бэрхшээлтэй иргэд, нийгмийн халамжийн чиглэлээр гэр олгох, оюутны сургалтын төлбөрт дэмжлэг үзүүлэх боломж байгаа эсэх талаар санал, хүсэлтээ илэрхийлэв.