Насан туршийн боловсролын төвд ирж биеэр ирж чадахгүй байгаа иргэдэд цахимаар үйлчилгээ үзүүлэх талаар зөвлөлдөв

Баянгол дүүргийн иргэдийн төлөөлөгчдийн хурлын дарга Б.Сэмжидмаа  Б.Гэрэлгуа даргатай “Насан туршийн боловсролын төв”-ийн хамт олныг хүлээн авч уулзлаа.

Насан туршийн боловсролын төв нь дүүргийн бүх насны иргэдийн хөгжилд адил тэнцүү анхаарч, соён гэгээрүүлэх үйл хэрэгт хувь нэмрээ оруулдаг онцгой байгууллага билээ.

Өнөөдрийн уулзалтаар хөл хорионы жилүүдийн ажил үйлчилгээ, тулгамдсан асуудлын талаар мөн 2023 оны жилийн ажлын төлөвлөгөөг хэлэлцэн, ИТХ-ын ажлын албатай хамтарч хороодын иргэний танхимаар дамжуулан иргэдийн хөгжилд чиглэсэн төрөл бүрийн сургалт,  мэдээллийг  олон нийтэд хүргэхэд хамтарч ажиллахаар тогтлоо.

Түүнчлэн тус төвд биечлэн ирж үйлчилгээ авах боломжгүй иргэдэд сургалт, үйлчилгээг цахим хэлбэрээр, хүртээмжтэй хүргэх талаар зөвлөлдсөн юм.

Тэрээр “Баянгол дүүргийн Насан туршийн боловсролын төв 18 хүний бүрэлдэхүүнтэй ажилладгаас мэргэжлийн 8 багш өдөр тутмын сургалт, төлөвлөгөө, хүний хөгжлийн үйл ажиллагааг өндөр түвшинд авч явж буй нь сайшаалтай”-г онцоллоо.

Хойшид судалгаа шинжилгээ иргэдийн хүсэлтэд суурилсан чадамжийг хөгжүүлэх олон ажлуудыг санаачлан хийж хэрэгжүүлэхийг зөвлөөд, эдгээр ажлуудад дүүргийн удирдлагын зүгээс дэмжин ажиллахаа илэрхийлэв.