УИХ-ын чуулганы /2025.05.01/-ний өдрийн хуралдаанаар Монгол Улс дахь хүний эрх, эрх чөлөөний байдлын талаарх 24 дэх илтгэлийг сонсож байна

Уг асуудалтай холбогдуулан гишүүд асуулт асууж, байр сууриа илэрхийллээ. 

УИХ-ын гишүүн Н.Алтаншагай:

Нэгдүгээрт, Хүүхдийн хүчирхийлэлтэй холбоотой асуудал далд хэлбэрт шилжсэн нь үнэн. Үүнээс бид бүхэн урьдчилан сэргийлж, бодит үр дүнд хүргэж чадахгүй байгаа. ХЭҮК соён гэгээрүүлэх яг ямар бодит ажлыг хийсэн бэ?

Хоёрдугаарт, их дээд сургуулийн оюутан суралцагчдын эрхтэй холбоотой гомдлууд их ирдэг. Багш, сургалтын албанаас нь элдэв хавчлага, шахалт дарамт үзүүлдгээс болоод сургуулиа төгсөж чадаагүй 4-5 болж байгаа хүүхэд байна. Би энэ асуудлыг яриад л яваад байгаа. Энэ асуудлыг яам болон холбогдох газруудад нь уламжилсан байгаа.

Гуравдугаарт, төрийн албан хаагчдын асуудал байна. Тухайлбал, энэ нь сонгууль болгоны дараагаар хөндөгддөг. Мөрөөрөө ажлаа хийж явсан хүн намын харьяаллаар дарга цэрэг солигдохоор дагаад өөрчлөгддөг. Ингэхдээ янз бүрийн шахалт дарамт үзүүлээд, өөрөөр нь өргөдлийг нь бичүүлж авсан болоод халах жишээний. ХЭҮК-оос 461 дүгээр хорих ангид "хүн эндлээ, асуудал үүслээ" гэхээр л ухасхийгээд л ингээд өнгөрдөг. Та бүхэн соён гэгээрүүлэх, урьдчилан сэргийлэх чиглэлд ямар бодит ажил хийв. Ямар бодит үр дүнд хүрч байна?

Сошиал орчинд 10 жилийн хүүхдүүд бүүлийдүүлэх, дарамтад өртөх мөн хүнд хэлбэрийн эрүүгийн харьяалалтай ноцтой асуудлууд гарч байсан. Намайг СХД-ын засаг дарга байхад 10 жилийн ахлах ангийн сурагчдад зориулсан "18 дахь хаврын хайр" нэртэй жүжиг Хүүхэд, залуучуудын театрт тавигдаж байсан. Энэ уран бүтээл ихээхэн үр өгөөжөө өгсөн. Тиймээс ХЭҮК энэ мэт соён гэгээрүүлэх ажил дээрээ онцгойлон анхаарах шаардлага байна.

Сэтгүүлч

, Б.Хонгорсайхан