УИХ-ын чуулганы /2025.05.01/-ний өдрийн хуралдаанаар Монгол Улс дахь хүний эрх, эрх чөлөөний байдлын талаарх 24 дэх илтгэлийг сонсож байна

Уг асуудалтай холбогдуулан гишүүд асуулт асууж, байр сууриа илэрхийллээ. 

УИХ-ын гишүүн Д.Энхтүвшин:

Д.Сүнжид даргын ярианы эхэнд үндсэн хуулийн 3.1-ийн заалтыг дурдаж эхэлсэн. Тэгээд засгийн бүх эрх ард түмний мэдэлд байна. Тэгээд сонгосон төлөөллийн байгууллагаараа дамжуулан энэ эрхээ эдэлнэ гэсэн. Үндсэн хуульд орсон нэмэлт өөрчлөлтүүдийг буцаагаад хараад байхаар яг энэ өөрчлөлтүүдийн үр дүнгээр ч юм уу, иргэдийн ард түмний засаглах эрх улам л улс төрийн намуудад алдагдаад байгаа, иймэрхүү дүр зургууд харагдаад байгаа юм. Энэ чиглэлээр, улс төрийн намуудыг илүү хариуцлагатай болгох, ард түмний энэ эрхийг хэрэгжүүлэх зайлшгүй шаардлагууд байгаад байна. Энэ мөрийн хөтөлбөртэй холбоотой асуулт байна.

Өнгөрсөн хугацааны улс төрийн намуудын мөрийн хөтөлбөрүүдийг хараад үзэхээр сонгуульд орохдоо нэг юм ярьдаг, яг эрхээ аваад үүнийгээ хэрэгжүүлэхгүй, үүнийг нь хянадаг ямар ч үүүрэг, хариуцлага байхгүй. Сонгуульд орохын өмнө аудитын байгууллагаар хянуулдаг. Үүнээс болж зарим улс төрийн намууд, сонгуульд оролцохгүй байх ийм нөхцөл байдал үүсдэг. Амлачихсан зүйлээ хэрэгжүүлэхгүй байгаа энэ асуудлыг ямар байдлаар хяналтын тогтолцоог бүрдүүлэх нь зохистой гэж та бүхэн бодож байгаа вэ? Миний бодлоор ядаж ялсан нам өөрийн мөрийн хөтөлбөрийнхөө гол агуулгуудыг ЗГ-ын үйл ажиллагааны хөтөлбөрт оруулдаг байх ёстой гэсэн ийм бодолтой байгаа юм. Төсөв хэлэлцэх үед ч ийм асуудал гарсан.

Сэтгүүлч

, Ц.Соёлмаа