УИХ-ын чуулганы /2025.06.17/-ны өдрийн нэгдсэн хуралдаанаар Засгийн газрын бүрэлдэхүүнийг танилцуулж сайд нарыг танилцууллаа. Улмаар Ерөнхий сайд захирамжаа гардуулан 34 дэх Ерөнхий сайд Г.Занданшатарын Засгийн газар байгуулагдлаа.

УИХ-ын гишүүн Т.Мөнхсайхан дараах байр суурийг илэрхийллээ.

Та бүхэнд оройн мэнд хүргэе. Шинээр томилогдож байгаа сайд нараа дэмжиж байгаа. Манай эрүүл мэндийн салбарт эмч гишүүн томилогдож байна. бол маш их давуу талыг авчирдаг учраас дэмжиж байгаа. Эрүүл мэндийн салбарыг хоёронтаа удирдаж, сайдаар ажиллаж байсан хүний хувьд Ж.Чинбүрэн гишүүнтэй өнгөрсөн хугацаанд нэлээдгүй хамтарч ажиллаж байсан, түүнийг мэдэх хүний хувьд 3 зүйлийг анхаарч ажиллаасай гэж бодож байна.

Нэгдүгээрт, бодлогын хийгдэж байсан томоохон ажлуудыг цааш нь үргэлжлүүлж үр дүнг нь үзээсэй. дотор цахимжилтын бодлого бий. Өнөөдөр манай эрүүл мэндийн салбар 100% цахимжихад ажил нь 90%-тай явж байгаа. Үүнийг гүйцээх юм бол ард иргэдэд, эмч, эмнэлгийн ажилчдад маш их хэрэгтэй зүйл болно.

Хоёрдугаарт, төвлөрөл сааруулах бодлогыг бид нар аймаг орон нутаг, ард иргэд, амьдарч байгаа бүс нутагтаа тусламж үйлчилгээг авах боломжийг бүрдүүлж байгаа гэх мэтчилэн ард иргэдэд үр өгөөжөө өгөх бодлогуудыг үргэлжлүүлж ажиллаасай гэж хүсэж байгаа юм. Энэ салбарын ажлын яг үнэхээр гүн рүү нь орж асуудлуудыг нь тогтоож гарц гаргалгааг нь шийдэж ажиллаасай. Аль болох хий хоосон попролоос жаахан хол байж ажиллаасай гэж хүсэж байна.

Гуравдугаарт, ашиг сонирхлын зөрчлөөс, ашиг сонирхлоос ангид байж салбарт хийгдэж байгаа ажлуудыг, бодлогуудыг үргэлжлүүлж авч яваасай. Ялангуяаэм дээр хийгдэж байгаа бодлого нэг эх үүсвэрийн худалдан авалтын асуудал. Шинээр гарсан хууль номынхоо дагуу хийгдэж байгаа ажил бол ард иргэдэд үр өгөөжөө өгөөд, өнөөдөр үр дүнгээ өгөөд, ард иргэдийн сайшаалыг хүртээд явж байгаа ажлуудаа хийж хэрэгжүүлээсэй гэдэг зарчмын 3 зүйлийг танаас их хүсэж байгаа юм аа.

Ерөнхий сайд ч хэлж байгаа. Ер нь цаашдаа эрүүл мэнд, боловсролын салбараа өндөр түвшинд дэмжиж ажиллана, хүний хөгжлийн асуудлыг онцгой анхаарна аа гэж байгаа. Эрүүл мэндийн салбарын хувьд санхүүжилт нь гүйцэтгэлийн санхүүжилт рүү шилжсэн улсын хэмжээнд анхны салбар байгаа юм. Өнгөрсөн 5 жилийн хугацаанд голдирлоо чамгүй олоод явж байгаа. Харин тавигдаж байгаа төсөв мөнгө нь хүрэхгүй байгаа учраас тусламж үйлчилгээн дээрээ зайлшгүй хязгаарлалт хийгээд байгаа. Үүнийг жил болгон ДНБ-д эзлэх хувийг нэг хувиар нэмэгдүүлээд өнөөдрийн байгаа 3%-ийг 28 он гэхэд 6 хувьд хүргэчих юм бол эрүүл мэндийн салбарын асуудал тэр чигээрээ бүрэн шийдэгдэх гээд байгаа юм аа. Санхүү мөнгө нь хүрэлцээтэй байхад тусламж үйлчилгээ нь үүнтэйгээ уялддаг гол тогтолцоог бий болгоод амжилттай явж байгаа юм.

Тэгэхээр манай эрүүл мэндийн салбарт хийгдсэн санхүүжилтийн томоохон реформыг дэмжиж, бодит биеллээ олж, ямар нэгэн тусламж үйлчилгээн дээр хязгаарлалт хийхгүйгээр ард иргэддээ хүргэх боломжийн санхүүжилтийг бий болгох, ДНБ-ий 6 хувьд хүргэхийн тулд ирэх онд 26 онд 4 хувьд хүргэе ээ. 27 онд 5, 28 онд 6 хувьд хүргэе ээ гэдэг зорилтыг тавиад 26 оны төсвийн төсөөллийг ДНБ-ий 4%-аар өгчихсөн байгаа. 4 хувьд тийм хүнд асуудал биш. Эдийн засгийн нөхцөл байдлаас шалтгаалаад байхгүйгээр 4 хувьд хүргэчих боломжтой тоо судалгаанууд бий. Тиймээс ирэх оны төсвийг яг 4 хувьд хүргэж ажиллах уу гэдгийг Ерөнхий сайд, Сангийн сайд нараас тодруулж асууя аа. Томоохон реформыг дэмжиж, бодит биеллээ олж, ямар нэгэн тусламж үйлчилгээн дээр хязгаарлалт хийхгүйгээр ард иргэддээ хүргэх боломжийн санхүүжилтийг бий болгох, ДНБ-ий 6 хувьд хүргэхийн тулд ирэх онд 26 онд 4 хувьд хүргэе ээ. 27 онд 5, 28 онд 6 хувьд хүргэе ээ гэдэг зорилтыг тавиад 26 оны төсвийн төсөөллийг ДНБ-ий 4%-аар өгчихсөн байгаа. 4 хувьд тийм хүнд асуудал биш. Эдийн засгийн нөхцөл байдлаас шалтгаалаад байхгүйгээр 4 хувьд хүргэчих боломжтой тоо судалгаанууд бий. Тиймээс ирэх оны төсвийг яг 4 хувьд хүргэж ажиллах уу гэдгийг Ерөнхий сайд, Сангийн сайд нараас тодруулж асууя аа.

Т.Мөнхсайхан: ЭМ-ийн салбарт хийгдсэн санхүүжилтийн реформыг дэмжиж, тусламж үйлчилгээг хязгаарлахгүйгээр иргэдэд хүргэх боломжийг бүрдүүлээрэй