УИХ-ын чуулганы /2025.06.12/-ны хуралдаанаар Монгол Улсын Ерөнхий сайдыг томилох тухай саналыг хэлэлцлээ.

Хэлэлцэж буй асуудалтай холбогдуулан УИХ-ын гишүүн Д.Энхтуяа дараах байр суурийг илэрхийллээ.

АН-ын бүлэг байнгын хороон дээр тодорхой зүйл хэлсэнгүй. Та сүүлийн 20 жил улс төрийн шийдвэр гаргах түвшинд, энэ улс төрийн хүрээнд явж байгаа асуудлыг маш сайн уг углуургаар нь харж байгаа хүн. Гэтэл та Л.Оюунэрдэнэ Ерөнхий сайдын бодлогыг үргэлжлүүлнэ гээд хэлж байна. Хуучин огцорч буй ЗГ-ын 2022-2023 онд Монгол Улсын ядуурлын түвшин 29% буюу 3,5 сая хүнээс 915 мянган иргэн ядуурлын шугамаас доогуур амьдарч байнагэсэн статистикийн тоо гарсан байгаа. Энэ 920 мянган иргэн бол сарын 420 мянган төгрөгөөс доош орлоготой гэсэн үг. 2024 оны байдлаар энэ ядуурлын түвшин ямар байна гэсэн статистикийг дахиж судалж харлаа. Тодорхой түвшинд, тогтвортой байнагэж байна. Тэгэхээр ер нь болбол энэ сүүлийн 3 жил тэ энэ ядуурлын түвшин буурсангүй.

Ерөнхий сайд бол улс ард түмэндээ эдийн засгийн эрх чөлөөг авчрах үйл ажиллагаа явуулах ёстой гэж ойлгож байгаа. Ерөнхийлөгч бол оюун санааны нэгдмэл байдал, улс орныхоо тусгаар тогтнолыг хангах ийм институт. УИХ бол шударга ёсыг тогтоох. таны хувьд хийх ажил бол ард түмнээ битгий талцуулаасай гэж хүсэж байна. Мөн Монгол Улсын айл өрхийн амьжиргааны түвшнийг дээшлүүлэх талаар ямар тодорхой зүйл хийх юм бэ? Та ажлаа авч байгаад хийнэ гэж ингэж хариулаад байна. Гэтэл таныг энэ тал дээр тодорхой мэдээлэлтэй мэдээлэлтэй хүн гэж харж байгаа учраас үүнийгтанаас асууж байна. Эдийн засгийн эрх чөлөөний хувьд Монгол Улсдунд зэргийн эдийн засгийн эрх чөлөөтэй байна гэж олон улсын байгууллагууд гаргасан байна. Гэтэл амьдрал дээр амьжиргааны түвшин сайжрахгүй байгаад гол анхаарлаа хандуулж ажиллаасай гэж хүсэж байна.

Сэтгүүлч

. Ц.Соёлмаа