УИХ-ын гишүүн Д.Тэрбишдагватай цаг үеийн асуудлаар ярилцлаа.

-Агентлагийн бүтэц эцэслэн шийдэгдсэнгүй өнөөг хүрлээ. Хэмнэлтийн зарчим баримталж, цомхтгосон гэж байгаа ч тодорхой мэдээлэл байхгүй байна. Улсын төсөв хэлэлцэх явцад тодруулж шийдэж байна уу. Агентлагийг цөөлөх талаар нэлээд ярьж бай-сан хүний хувьд ямар байр суурьтай байна?

-Эдийн засгийн хямралын асуудлыг одоо ярьж байгаа нь оройтсон явдал. Дэлхий нийтээр эдийн засгийн хямрал нүүрлээд байгаа нь хэнд ч ойлгомжтой. Хямралыг даван туулахын
тулд олон талаас нь ярилцаж байна. Төсвийн тодотголоор оруулж ирсэн асуудлыг харахад олон зүйл тодорхойгүй гэсэн шүүмжлэл нэлээд гарч байсан. УИХ-ын даргын захирамжаар ажлын хэсэг томилогдон ажилласан. Энд олон янзын боломж бий. Бид хугацаа алдсан учраас хэд хэдэн зүйлийг анхаарах нь зүйтэй байх. Нэгдүгээрт, давхардсан орон тоо, түүний дотор агентлагуудыг цөөлөх хэрэгтэй.

- УИX-ын чуулган, байнгын хорооны хуралдаанд 65 агентлагийг 42 болгосон тухай яригдаж байсан. Гэтэл 35 агентлагийг 42 болгосон гэх шүүмжлэлийг та хэлсэн. Цаашид хэмнэх боломж бий гэсэн үг үү?

-65 гэдгийн дотор улсын үйлдвэрийн газар юм уу, ямар нэгэн байдлаар агентлагуудыг өөр нэрээр аваад үлдчихсэн. Агентлагийн тоог цөөлөх ёстой. Нэг агентлагийг хоёр болгосон, шинээр байгуулсан. Түүхэн үүргээ гүйцэтгэсэн гэдэг юм уу, хашилтад хэлэхэд үйлдвэрлэлийн бодлого, үйлдвэр, аж ахуйн газруудыг устгаж сөнөөсөн ТӨХ гэх мэт данхар бүтэц байх шаардлагагүй. Ардчилсан Германы туршлагаас үзэхэд төрийн өмчийн хороо маягаар байгуулаад хэдэн жилийн дараа үүргээ гүйцэтгэсэн хэмээн татан буулгачихсан байхад бид одоо хүртэл орон тоог нь ч цөөлөхгүй байгаад байдагт гайхаж байна. Хөгжил, шинэчлэлийн хороо гэж яам дын толгой дээр данхар бүтэц байх шаардлагагүй.

-Хөрөнгө оруулалтын талаар та ямар байр суурьтай байна?

-Өнгөрсөн жил хөрөнгө оруулалтад асар их хэмжээний мөнгө тавьж, гүйцэтгэлийг хугацаанд нь хийгээгүйгээс тендерээр бараа материал оруулж ирж, зам, эрчим хүчний шугам тавина гэж жил тойрон ноцолдоод хийж баралгүй төсвийн тодотголоор дахин оруулсан. Гэтэл өнөөдөр төсөв тодорхой биш болчихсон байхад хөрөнгө оруулалтын чиглэлээ эргэж харахгүй бол болохгүй. Улсын төсөв бат-лагдаад хэд хонох вэ, батлагдсаны дараа дахин тен-дер зарлана. Зарлаад 45 хононо. Түүний дараа маргана гээд бодохын бол хөрөнгө оруулалтынхаа асуудлыг энэ жил шийдэж чадахгүй. Үүнийг шийдчих юм бол сайн тал бий. Олон ажлын байр бий болно. Гэхдээ улсын төсвийн хөрөнгөөр санхүүждэг байгууллагууд бий болчихоод тендерт ялж, түүгээрээ ажил хийлгэдэг болчихоод байгаа. Тиймээс үүнийг эргэж хараач гэдгийг л хэлжбайгаа.

Д.Тэрбишдагва: Давхардсан орон тоо, түүний дотор агентлагуудыг цөөлөх хэрэгтэй

Д.Тэрбишдагва: Давхардсан орон тоо, түүний дотор агентлагуудыг цөөлөх хэрэгтэй