Улсын Их Хурлын Аюулгүй байдал, гадаад бодлогын байнгын хорооны өнөөдрийн (2020.02.19) хуралдаанаар Монгол Улсын Шадар сайд, Улсын онцгой комиссын дарга Ө.Энхтүвшин “COVID-19” вирусийн халдвараас урьдчилан сэргийлэх, бэлэн байдлыг хангах чиглэлээр авч хэрэгжүүлж буй арга хэмжээний” талаар мэдээлэл хийлээ. 

Гишүүд мэдээллийн дараа асуулт асууж хариулт авав. УИХ-ын гишүүн Ц.Цогзолмаа:

“COVID-19” вирусийн халдвараас урьдчилан сэргийлэх, бэлэн байдлыг хангах чиглэлээр авч хэрэгжүүлж буй арга хэмжээний” талаар дэлгэрэнгүй мэдээлэл сонслоо. Энэ асуудалд анхаарч байгаа Монгол улсын засгийн газар, УОК болон Эрүүл мэндийн яамны хамт олондоо талархаж байна. Бид урьд нь ийм хүндрэлтэй учирч байгаагүй. Энэ хүнд цаг үеийг эдийн засаг болон бэлэн байдлын бүх талаар маш санй хангаж ажиллаж байна гэж дүгнэж байна.

Хамгийн гол нь эрүүл мэндийн салбарынхандаа маш их талархаж байна. Илүү цагаар ажиллаж ачаалал үүрч байгаа энэ хүмүүстээ төр зас аг анхараах хэрэгтэй. Төр засгаас авч хэрэгжүүлэх арга хэмжээгээ маш сайн ажиллаж байхад нөгөө талаас иргэд маань хариуцлагатай байж ирэх жилүүдэд олон цагаан сарыг тэмдэглэн өнгөрүүлэхийн тулд өнөөдөр бид тэвчих заавар зөвлөгөөг дагаж мөрдөх хэрэгтэй байна.