Ерөнхий сайдын хүүтэй холбоотой асуудалд УИХ-ын гишүүн Б.Энхбаяр байр сууриа илэрхийллээ.

Тэрбээр "Бүлгийн хурал хаалттай болдог учир бусад гишүүдийн асуудлыг хуваалцах боломжгүй. Миний хувьд хуралд намын дарга, удирдлагуудыг оролцуулж байж залуучуудын шаардлага, улс төрийн асуудлыг ярья гэдэг шаардлага тавьсан. Улс төрчийн үг үйлдэлд ёс зүйн хариуцлага нэхэх, шаардах эрх иргэдэд нээлттэй. Үүнийг нам дотроо ярих нь ч нээлттэй.

Намын даргын хувьд /Ерөнхий сайд Л.Оюун-Эрдэнэ/ намын бага хурлыг ойрын үед хуралдуулъя гэж хөндсөн. Миний зүгээс хурал дээр юу ярихыг тодруулж, хэрэв өөрийнх нь гэр бүл, үр хүүхэдтэй нь холбоотой үүссэн асуудлыг ярих гэж байгаа бол зөвшөөрөхгүй гэдгээ хэлсэн.

Өөрөө улс төрийн шийдвэр гаргах боломжтой асуудалд парламент, намын гишүүдийг татаж оруулж болохгүй. Бид цуг хариуцлага хүлээдэг хүн биш. Ийм удаан байр суурь илэрхийлэхгүй байж болохгүй. Намын гишүүд ч ордонд бүлтэлзээд, даргаа өмөөрвөл буруудчихдаг юм болов уу гээд ордноор дүүрэн хошин шог болж байна. Тэгээд өөрөө хачин тайлбарууд хийсэн нь онигоонд ороод явж байна.

АН, ХҮН-ын дарга нар ч юу болоод байгаа юм? Энэ бол парламентын асуудал биш. Би үхвэл бүгд үхнэ гэсэн зарчим баримталж байвал зөвшөөрөхгүй гэдгээ миний зүгээс хэлсэн" гэв.

Б.Энхбаяр: Ерөнхий сайд "би үхвэл бүгд үхнэ" гэсэн зарчим барьж байгаа бол түүнийг нь зөвшөөрөхгүй

Б.Энхбаяр: Ерөнхий сайд "би үхвэл бүгд үхнэ" гэсэн зарчим барьж байгаа бол түүнийг нь зөвшөөрөхгүй