УИХ-ын чуулганы /2025.10.17/-ны өдрийн ээлжит чуулганы хуралдаан Ерөнхий сайдыг огцруулах эсэх асуудлыг хэлэлцэж байна. Хэлэлцэж буй асуудалтай холбогдуулан гишүүд байр сууриа илэрхийллээ.

УИХ-ын гишүүн П.Сайнзориг:

Ашигт малтмалын хууль дээр тодорхой байгаа. Уул, уурхайн бүтээгдэхүүнийг экспортод гарвал буюу гадагшаа экспортолж байгаа тохиолдолд олон улсын зах зээлийн үнээр. Уул уурхайн биржийн бүтээгдэхүүний хууль гарсны дагуу биржээр зарагдсан тухайн өдрийнх нь зарагдсан үнээс нь 5%-ийн АМНАТ аваарай л гэж үнэ байгаа. Гэтэл энэ 2 аргачлал нь өнөөдөр хүчин төгөлдөр байгаа мөртөө байхгүй дүйцүүлэн тооцох аргачлалыг гаргаж ирээд биржээр 25%-аа зарчих бусад 75%-аа биржийн бус аргаар зараад тэр нь өндөр үнэтэй байгаа. Тэрийгээ биржээр зарсан доогуур үнэ дээр тооцуулж тэр хэмжээгээрээ АМНАТ-ыг тооцъё гэж байгаа. Би ганцхан жишээ хэлье, 8 болон 9 сард ЭТТ компанийн 1,8 их наяд төгрөгийн биржийн бус байдлаар зарагдсан нүүрс дээрээс Татварын ерөнхий газар 163,9 тэрбум төгрөгийн нэг хасалт бууруулалт хийж байгаад АМНАТ тооцсон. Улсын төсөвт орох ёстой 15,2 тэрбум төгрөг ороогүй. Энэ байдал үргэлжлээд явж байна!!!

П.Сайнзориг: 100 хувь нүүрсээ биржээр зар гээд хууль гарсан ч Засгийн газар 25 хувиа зар бусдыгаа яахаа өөрөө мэд гэж хуулийг гууль болгосон!