УИХ-ын чуулганы /2025.10.17/-ны хуралдаанаар УИХ-ын дарга Д.Амарбаясгалангийн үүрэгт ажлаасаа чөлөөлөгдөх хүсэлтийг хэлэлцэж байна.

Хэлэлцэж буй асуудлаар гишүүд үг хэлэв.

УИХ-ын гишүүн А.Ариунзаяа:

Гишүүдийн ёс зүйн дүрэм бий. 3.2 Бусдын нэр төр, алдар хүнд, эрх, хууль ёсны ашиг сонирхлыг эрхэмлэн хүндэтгэлтэй хандах бусдыг гэмт хэрэгт холбогдуулан гүтгэх доромжлохыг цээрлэнэ ээ гэж. Бүгдээрээ прокурор болчихсон юм шиг л сууж байна.

Олон нийтийг төөрөгдүүлэх, үндэслэлгүй мэдээлэл хийхийг бас хориглож байгаа. Энэ ёс зүйн дүрмээр Д.Амарбаясгалан дарга та шалгагдаж байгаа юу? Гүтгэлгийн талаар та шүүхэд одоо гомдол гаргаж байсан уу?

АН-д талархал дэвшүүлмээр байна. Учир нь өчигдөр өглөө 10 цагаас хуралдах Пүрэв гаргийн чуулганы ирцдээ 9 цагаас хойш бүртгүүлж хэсэг бүлэг нөхөд маань орж 61 хүний ирцтэйгээр бид өчигдөр өглөө 9 цагаас хойш өнөөдрийг хүртэл 25 цаг хүлээж байж өнөөдрийн чуулган эхэлсэн. Тэгэхээр өчигдөр орой гэнэт шийдвэр гараад ирцээ нээсэн асуудал огт биш.

Өчигдөр өглөө 9 цагаас чуулганы ирцэд бүртгэх бүртгэлийн систем нээгдсэн. Өнөөдрийн нөхцөл байдал хэдэн жилийн өмнө тохиолдож байсан институц хоорондын ийм зовлон байгаа гэдгийг ний нуулгүй хэлмээр байна.

Х.Тэмүүжин гишүүндээ ч гэсэн баярлалаа. Өнгөрсөн хавар Л.Оюун-Эрдэнийн ЗГ одоо огцрох үед Х.Тэмүүжин гишүүн гэнэт гарын үсэг зураад цуглуулаад нэг бичиг гаргаад ирсэн. Л.Оюун-Эрдэнэ Ерөнхий сайд ч гэсэн огцрохдоо, итгэл үзүүлэх бичгээ гаргахдаа институц хоорондын зөрчил байна аа гэдгийг илэрхийлсэн. Би үүнийг дэлгэрүүлж ярихаас илүүтэй манай нам доторх асуудал цагаан байрнаасаа халиад өнөөдөр төрийн зовлон болсон нь үнэн.

АН өчигдөр бүлгээрээ гаргасан 3 одтой шийдвэр буюу ЗГ болон УИХ-ын дарга Д.Амарбаясгаланд хоёуланд нь хариуцлага тооцъё оо гэдэг дээрээ баттай зогсож, өөрийнхөө хүсэлтээр албан тушаалаасаа чөлөөлөгдөх хүсэлтээ илэрхийлж байгаа Д.Амарбаясгалангийн шийдвэрийг нь хүндэтгэж огцруулж өгөхийг хүсэж байна аа.

А.Ариунзаяа: Өнөөдрийн нөхцөл байдал институц хоорондын зөрчлөөс үүдэлтэй