Бараа, ажил үйлчилгээ худалдан авах тухай хуулийн төслийг хэлэлцэх үеэр яригдсан гол зүйл нь тендер байв.  Олонхи гишүүн тендерийн будлианыг зохицуулах цаг болсон учраас энэ хуулийн төслийг дэмжих нь зүйтэй гэж үзсэн. Гэхдээ төслийн зарим заалтыг өөрчлөх саналтай гишүүд ч байв.

Тухайлбал, УИХ-ын гишүүн С.Дэмбэрэл “Хуулийн төслийг уншихад хоёр бүтэн хуудсыг гүйцэтгэгч талд хариуцлага тооцоход зориулжээ. Тэгсэн мөртлөө захиалагч талын үүрэг гэж бараг алга. Энэ гүйцэтгэгчийн үүрэгт заасан энэ 25 ширхэг заалтаа боль оо. Энэ арай дэндэж байна” гэв.

Тендерийн босгыг хэтэрхий бага тогтоосноос болоод чанаргүй зүйл баригддаг. Энэ хуулиар аж ахуйн шинжтэй үр дагавраас гадна нийгмийн үр дагаврыг нь тооцох естой

Үүнд Эдийн засгийн хөгжлийн сайд Н.Батбаяр хариулахдаа, Төрийн мөнгө авч байгаа компаниудад хариуцлага ярих ёстой. Харин хариуцлагыг захиалагч, гүйцэтгэгч талд тэнцүү Өгөх ёстой гэсэн таны саналыг дэмжиж байна” гэв. УИХ-ын гишүүн Д.Дэмбэрэл, Царцаасан обьектууд зогссон нэг шалтгаан нь тендерийн шалгаруулалт удааширсантай холбоотой. Тиймээс үүнд хугацаа тоггоох хэрэгтэй. Мөн тендерийн босгыг хэтэрхий бага тогтоосноос болоод чанаргүй зүйл баригддаг. Энэ хуулиар аж ахуйн шинжтэй үр дагавраас гадна нийгмийн үр дагаврыг нь тооцох естой” гэв.

Мөн Д.Батцогт гишүүн “Төрийг харлуулж харагдуулж байгаа нэг зүйл бол тендерийн маргаан. Тендерийн үнэлгээний хороонд иргэдийн болоод ШӨХТГ-ын төлөөлөл оруулах ёстой. Түүнээс гадна тендерийн будлиан хутгахаас өөр ажил хийдэггүй Худалдан авах ажиллагааны газрыг татан буулгавал таарна. Байлгалаа гэхэд Шадар сайдын биш Сангийн сайдын мэдэлд байх нь зүйтэй” гэдэг саналтай байв.

Төрийг харлуулж харагдуулж байгаа нэг зүйл бол тендерийн маргаан.

УИХ-ын гишүүн Л.Энх-Амгалан “Энэ хуулийг гаргахдаа Хөрөнгө оруулалтын тухай хуультай уялдуулах ёстой. Учир нь жилд төсвийн болон төсвийн гадуурх хөрөнгөөс бүрдсэн дөрвөн их наяд төгрөгийн ажлыг энэ хуулиар зохицуулна” гэв. Мөн тэрээр хэлэхдээ, сайд болгон тендер шийддэг хэлбэрт орлоо. Үүнийгээ өөрчлөх хэрэгтэй. Одоо тендерийг орон нутгийн удирдлага, яам, Худалдан авах ажиллагааны газар зарлаж байна. Үүнийг нэгтгэж, тендерийн нөхцөлийг тодорхой болгомоор байна” гэсэн. УИХ-ын гишүүн С.Баярцогт хуулийн төсөлтэй холбоотой саналаа хэлэхдээ, тендер шийддэг тусгай агентлагтай байх эсэхийг хоёр жил ярьж байж шийдсэн. Одоо үүнийг зохицуулах цоо шинэ хууль гарах гэж байна. Энэ хуулиар хүн бүр тендер зарлах боломжтой болж байгаа. Ингэснээр өмнө нь тендер зарлахдаа обьектив зүйл дээр тулгуурлаж байсан бол одоо субьектив болсон” гэв.