Байгалмаа.Ц 2019.05.20 | МҮОНТВ

Тоо бодож, томьёо цээжлэхээсээ илүү өдөр тутамдаа хэрэглээ болгох нь чухал

Тоо бодож, томьёо цээжлэхээсээ илүү өдөр тутамдаа хэрэглээ болгох нь чухал

Хүүхдүүдийн хэрэглээний математикийн чадварыг дээшлүүлэх зорилготой “Граф-Арт” ур чадварын тэмцээн хоёр дахь жилдээ амжилттай зохион байгуулагдаж, шилдэг бүтээлүүдээ тодрууллаа. Монгол Коосэн Технологийн Коллежийн нэгдүгээр курсын оюутнуудын дунд зохиогдсон уг тэмцээнд хүүхдүүд график тооны машин ашиглаж, тригнометрийн томъёогоор дамжуулан зураг зурж өрсөлджээ.

Манай улсын багш сурагчдын хичээлийн ачааллыг олон улстай харьцуулахад их байдаг байна. Гэхдээ хичээлийнхээ цагийг хэр үр дүнтэй өнгөрөөж байгаа сайн судлах хэрэгтэй гэдгийг гадны судлаачид хэлж байна. Жишээ нь Япон улсад Тоо бодож, томьёо цээжлэхээсээ илүү өдөр тутамдаа хэрэглээ болгох нь чухал гэж үздэг байна.

НИТХ-ын төлөөлөгч, Японы үндэсний технологийн хүрээлэнгийн Монгол дахь төлөөлөгч Ц.Байгалмаа:

Математик, хими, физик гэсэн суурь шинжлэх ухаануудын тухай зөв ойлголттой өгдөг боловсролыг цаг үе шаардаж байна. Математикийн томъёо ашиглан төсөөлж буй дүрсээ мурай шугамаар илэрхийлэн зурах сургалтыг 2 дахь жилдээ зохион байгууллаа. Одоо цагт хүүхдэд математикийн хичээлийг заахдаа тоо бодуулж, томъёо цээжлүүлэхээс илүүтэйгээр түүнийг хэрхэн хэрэглээ болох талаас заах ёстой болоод байна. Бидний сургалтандаа хэрэглэсэн функцын тооны машиныг Японы коллежуудад түгээмэл хэрэглэдэг бөгөөд энэ тооны машин дээр олон томъёог нэгтгэж зөв хариуг гаргасанаар дүрс гардаг юм.

Уг сургалтыг явуулсан Токио Коосэнгийн математикийн багш Сато Ёошитака гуай хэлэхдээ:

"Математикийг сайн сурна гэдэг харьцангуй ойлголт, томъёоны олон нийлбэрийг сайн мэддэг байж болно гэхдээ нийлбэрийн цаана ямар дүрс гарч байна түүнийг бид өдөр тутумдаа хэрхэн хэрэглэж байгааг судлаж мэдэх нь чухал юм. Ингэсэнээр сайн инженер технилогич болно. Нэг томёоны цаана нэг дүрс хадгалагдаж байдаг" гэлээ