Энэ намрын чуулганаар “Оюутолгой ордоос Монгол Улсын хүртэх үр ашгийг нэмэгдүүлэх арга хэмжээний тухай” УИХ-ын тогтоолын төслийг хэлэлцэн баталсан юм.

Уг тогтоолын төсөл батлагдсанаар Оюутолгой төслийн Монгол Улсын Засгийн газрын эзэмшлийн 34 хувьд ногдох 2.3 тэрбум ам.долларын өрийг 100 хувь тэглэж 2051 он хүртэл ногдол ашиг авахгүй, 22 тэрбум ам.долларын өртэй үлдэх байсан эрсдэлээс зайлсхийж чадлаа.

Монгол Улсын Их Хурлын гишүүн Б.Бат-Эрдэнэ

Миний хувьд энэ асуудлаар олон жил тууштай ярьж байна. Гадаадын үндэстэн дамнасан том компаниуд жижиг орныг, дээр нь улстөрчид нь ашиг сонирхлын зөрчилтэй улсыг өөрсдөө урд нь ороод хөтлөөд явчихдаг. Тэдний гар хөл болсон хүмүүс  ашиг сонирхлыг нь дэмжсэн заалтыг хуульд эвтэйхэн шургуулчихдаг жишиг бий. Үүний эсрэг бид 2008 онд нэг алхам хийсэн. Энэ бол 40 болон 58-р тогтоол. Гэтэл тухайн үед Засгийн эрхэнд байсан хүмүүс хуулийг өөрчилсөн. Харин 57-р тогтоолоор Монголын талын эзэмших хувь хэмжээг 50-иас доошгүй хувьд хүргэ гэсэн заалт хүчин төгөлдөр байгаа. Одоо бид өөрсдөө баялгийнхаа эзэн нь болж, дэлхийд 3-т орж байгаа баялгаа зөв захиран зарцуулах цаг болсон.

Оюутолгой ХХК таван тэрбум орчим ам.долларын борлуулалт хийж, Монгол Улсад төлөх ашигт малтмалын нөөц ашигласны төлбөр гурав дахин нэмэгдэж, жилийн 700 тэрбум төгрөгт хүрэх урьдчилсан тооцоолол гарчээ.

Хоёр жил зогссон Оюутолгойн гүний уурхайн үйлдвэрлэлийг эхлүүлснээ албан ёсоор зарласан нь Монголын ард түмний ногдол ашиг авах хугацаа наашлах нөхцөл бүрдлээ. Мөн Рио Тинто, TRQ компаниудын зүгээс далд уурхай ашиглалтад орсны дараах нэмэлт зардлыг "Оюутолгой ХХК" төлөхгүй байхаар төлөвлөжээ.

Үүний үр дүнд:

• “Оюутолгойн гүний уурхай 2023 оны нэгдүгээр улирлаас эхлэн жилд хагас сая тонн зэс олборлоно

• Монгол Улс дэлхийн тавд эрэмбэлэгдэх өндөр технологийн гүний уурхайтай боллоо

• Монгол Улсын эдийн засагт өгөх үр өгөөж 3 дахин нэмэгдэнэ.