Нийгмийн бодлого, боловсрол, соёл, шинжлэх ухааны байнгын хороогоор өчигдөр Монгол Улсын хууль тогтоомжийг 2016 он хүртэл боловсронгуй болгох Үндсэн чиглэлийг батлах тухай УИХ-ын тогтоолын төслийн анхны хэлэлцүүлгийг хийв. Үүнд Эмнэлгийн тухай, Мэргэжлийн боловсролын тухай, Нийгмийн даатгалын тухай, Соёлын тухай зэрэг хуулиуд багтаж байгаа юм.

Соёл урлагийн салбарт ажиллагсдын цалин бага, өнөөдрийг хүртэл урамшуулал олголгүй явж ирсэн. Мөн энэ салбарынхан эрт тэтгэвэрт гардаг нь боловсон хүчний дутагдалд хүргэдэг учраас тэтгэвэрт гарахад нь 36 сарын ажлын хөлстэй тэнцэх урамшуулах олгож, шавь сургах төв байгуулахад нь дэмжлэг үзүүлэх талаар Соёл, спорт, аялал жуулчлалын яамныхан судалж байгаа юм байна. Түүнчлэн урлаг, соёлын байгууллагынхныг орон сууцжуулах асуудлыг хуульд тусгахаар төлөвлөж байгаа ажээ.

Боловсролын салбарын хувьд багш нарын үнэлэмжийг дээшлүүлэх талаар санал хэлсэн. Энэ дотроо бага ангийн багш нарын цалин хөлсийг нэмэгдүүлэх замаар сургалтын чанарыг сайжруулахыг онцлов.

Төсөлтэй холбогдуулж гишүүд саналаа хэлсэн юм. Боловсролын салбарын хувьд багш нарын үнэлэмжийг дээшлүүлэх талаар санал хэлсэн. Энэ дотроо бага ангийн багш нарын цалин хөлсийг нэмэгдүүлэх замаар сургалтын чанарыг сайжруулах, оюутнуудын хөдөлмөр эрхлэлтийг хууль эрх зүйн орчинтой болгох, түүнчлэн оюутны элсэлтийг хязгаарлаж, цөөн боловсон хүчнийг чанартай бэлтгэхийн зэрэгцээ мэргэж-лийн сургалтад түлхүү хөрөнгө оруулахад анхаарч ажиллахыг Ё.Отгонбаяр гишүүн БШУ-ы сайд Л.Гантөмөрт сануулж байлаа. Учир нь 2012 онд л гэхэд 35 мянган оюутан төгссөн. Гэтэл хөдөлмөрийн зах зээл дээр 17 мянган ажпын байр байсан.

Мөн 68 мянган ажлын байрны шаардлага байхад 28 мянган залуу мэргэжлийн сургалтын төвүүдийг төгссөн талаар онцолж байв.

С.Одонтуяа гишүүн ерөнхий боловсролын сургуулийнхны сургалтын чанараас гадна төлөвшил, зөв харилцаа, хүмүүжил олгох тал дээр онцгой ач холбогдол өгч, сургалтын программд энэ төрлийн хичээл оруулж, төрөөс анхаарах шаардлагатай байгааг хэлсэн. Учир нь, монгол сурагчид сурлагаар гаднын улс оронд гологддоггүй ч хүмүүжил, харилцаа, төлөвшлөөрөө гологдож байгааг онцлов.

Үүнээс гадна Байнгын хорооны хурал дээр БШУ-ы сайд Л.Гантөмөр Боловсролын салбарт хийж буй шинэчлэлийн талаар мэдээлэл хийх байсан ч салбарын яамныхан гишүүдэд танилцуулах материалаа эрт өгөөгүй. Тиймээс гишүүд авсан материалтайгаа нухацтай танилцаж, дараа нь саналаа бичгээр өгөхийг хүслээ. Мөн БШУЯ-наас боловсролын шинэчлэлийн сэдвээр тусган хэлэлцүүлэг зохион байгуулахаар болсон юм.

Боловсролын салбарын үнэлэмжийг нэмэхийг Л.Гантөмөр сайдад захив