Эмнэлгийн тусламж үйлчилгээний тухай хууль батлагдсантай холбогдуулан УИХ-ын гишүүн С.Одонтуяа, Л.Энх-Амгалан, Д.Батцогт нар мэдээлэл хийлээ.

Энэхүү хууль нь хүн амд үзүүлэх эмнэлгийн тусламж, үйлчилгээг тэдний эрэлт хэрэгцээнд нийцүүлэн хүртээмжтэй, чанартай, үр ашигтай хүргэх, зохион байгуулах, удирдах, санхүүжүүлэх хяналт тавих үйл ажиллагаатай холбогдсон харилцааг зохицуулахад чиглэгдсэн аж.

Энэ тухай УИХ-ын гишүүн С.Одонтуяа "Эрүүл мэндийн салбарын шинэчлэлийг дөрвөн үндсэн чиглэлд хуваан үзэж байгаа. Үүнд, хууль эрх зүйн орчны шинэчлэл, санхүүгийн шинэчлэл, хөрөнгө оруулалт, тоног төхөөрөмжийн шинэчлэл, хүний нөөцийн шинэчлэл багтаж байгаа юм. Эдгээрээс өнгөрсөн дөрвөн жилийн хугацаанд эрх зүйн шинэчлэлд зориулан хэд хэдэн чухал хуулийг баталлаа. Эмнэлгийн тусламж үйлчилгээний тухай хуулиас өмнө Эрүүл мэндийн даатгалын тухай хуулийг бид баталсан. Мөн ойрын үед Нийгмийн эрүүл мэндийн тусламж үйлчилгээний хуулийг өргөн барихаар бэлдэж байна.

Эмнэлгийн тусламж үйлчилгээний тухай хуулийг товчхон тайлбарлавал, иргэд чанартай, сайн эмнэлгийн үйлчилгээ авахдаа яавал санхүүгийн эрсдэлд орохгүй байх вэ гэдэг асуудалд гол анхаарлаа хандуулсан байгаа. Өөрөөр хэлбэл, эмнэлэг төсөвтэй биш зорилтдоо тулгуурлаж хөгжих ёстой. Үүний төлөө бүх эмнэлгүүд ажиллаж, зөв менежментийг нэвтрүүлж явах ёстой. Эмнэлэг, эмч нар үнэ цэнэтэй байвал иргэдийн эрүүл мэнд үнэ цэнэтэй байна. Нэмж хэлэхэд, Эрүүл мэндийн хуульд заасан нийгмийн баталгааны бүх асуудлууд хэвээрээ байгаа. Мөн аливаа эмнэлэг эмч, ажилчиддаа ямар хэмжээний цалин өгөх вэ гэдэг нь хязгаарлагдмал байсан бол сая батлагдсан хуулиар нээж өгч байгаа юм. Ингэснээр аливаа эмч өөрийнхөө ажилд таарсан бодитой цапин, урамшуулал авах боломжтой болж байна" гэв.

Мөн УИХ-ын гишүүн Д.Батцогт тус хуулийг олон талаас нь судалж, олон мэргэжилтнүүдийн санал, онолыг тусгаж баталсныг онцлоод, эрүүл мэндийн салбарт ойрын хэдэн жилд хийгдээгүй томоохон шинэчлэл боллоо хэмээв. УИХ-ын гишүүн Л.Энх- Амгалан дээрх хуулийн талаар "Ард иргэдийн хамгийн сэтгэл дундуур байдаг сапбар бол эрүүл мэндийн салбар. Харин Эмнэлгийн тусламж үйлчилгээний тухай хуулийг баталсан нь энэ салбарт томоохон       шинэчлэл авчирсан зүйл 'боллоо. Хууль батлагдсанаар томоохон      эмнэлгүүдийн дарга нарыг сонгуульд ялсан нам томилдог байсан асуудал үгүй болж байна. Хамт олон, иргэдэд хүлээн зөвшөөрөгдсөн мэддэгтэй туршлагатай хүн эмнэлгээ удирдаад явах боломжтой болсон гэсэн үг. Мөн алслагдсан сум, суурин газарт ажиллаж байгаа эрүүл мэндийн ажилтнуудын чадвар, туршлагыг сайжруулах, чадвартай эмч нарыг ажиллуулах боломж бүрдэж байна" гэв.