С.Одонтуяа 2021.01.20 | Vip76.mn

С.Одонтуяа: Хувийн банк, төрийн банк гэсэн хоёр өөр давуу эрхтэй байх нь зохимжгүй юм

УИХ-ын чуулганы өнөөдрийн /2021.01.20/ нэгдсэн хуралдаанаар УИХ-ын 6 гишүүнээс өргөн барьсан Банкны тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийж байна.

Өнгөрсөн 7 хоногт УИХ дахь АН-ын бүлгээс хуулийн төслийн хэлэлцүүлгийг 5 хоног хойшлуулах санал гаргасан бөгөөд өнөөдөр хугацаа дууссан тул хэлэлуүүлгийг үргэлжлүүлж байна.

Хуулийн төсөлтэй холбоотой гишүүд асуулт асууж, хариулт авлаа.

УИХ-ын дэд дарга С.Одонтуяа:

Хэрвээ төр өөрөө 100% өмчлөлийн системтэй банк байвал зарахгүй, хувийн банкууд хувьцаагаа зар гээд байгаа юм шиг байна. Тэгэхээр өрсөлдөөнд илэрхий шударга бус байдлыг бий болгоно. Би эдийн засагчийн хувьд аливаа шинэчлэл, реформын төлөө байдаг. Гэхдээ энэ хууль чинь хэтэрхий цаг үеэ олоогүй юм биш үү?

Бид нар цар тахлын үед байгаа маш сайн ойлгох хэрэгтэй. Хэдэн банкуудыг хэтэрхий их ашиг олчихлоо гэсэн лобби яваад байгаа юм шиг байна. Гэтэл бид Сингапурын банк шиг болох гэж байгаад Венесуелийн банк шиг болчих вий дээ. Өнөөдөр иргэдийн худалдан авах чадвар ямар байна. Зах зээл дээр шат дараалалтай хувьцааг арилжих ёстой. Нийт эргэлдэж байгаа мөнгийг үзэхээр ДНБ-ий 10 орчим хувьтай тэнцэх хэмжээний мөнгийг хоёрхон жилд гаргаж хувьцаа авна гэж байгаа. Ийм зүйл боломжгүй юм. Ямар үед ямар хууль санаачилж байна гэдгээ банкны эдийн засагчид тооцоолсон юм уу?

Анх Монголбанкнаас ядаж таван жил гэж орж ирж байсан. Монголбанкныхан үүнийгээ мэдээд оруулж ирсэн байгаа байх. Гэтэл энэ хоёр, гурван жил болчихсон. Бид нарыг цар тахлын эдийн засгийн хямралыг давах гэсээр байтал хоёр, гурван жил болно. Бид социализмаар хөгжөөд байна уу капитализмаар уу? Капиталист үгүй капитализмыг бий болгох гээд та нар бүр дордуулчих вий. Реформоо буруу цаг үед хэтэрхий салбарын асуудлыг самарч байгаа юм шиг харагдах юм. Би өөрөө яг банкны эдийн засагч болохоор буруу ойлголттой байж магадгүй.

Хувийн банк, төрийн банк гэсэн хоёр өөр давуу эрхтэй байх нь зохимжгүй юм. Энэ саналыг дэмжихгүй.