Эм Дэмчигсүрэн.Ч 2014.03.03 | Сайт: Vip76.mn

Ч.Дэмчигсүрэн: Хэн нэгний шахалтад орж тендерийн эмийг сонгодоггүй

Ч.Дэмчигсүрэн: Хэн нэгний шахалтад орж тендерийн эмийг сонгодоггүй
Завхан аймгийн эрүүл мэндийн газрын дарга Ч.Дэмчигсүрэн

Завхан аймгийн эрүүл мэндийн газрын дарга Ч.Дэмчигсүрэнтэй ярилцлаа.

-Эмийн тендерийг ямар шалгаруур үзүүлэлтээр сонгодог вэ. Хямд үнийг сонгох хандлага нийтлэг байдаг гэдгийг мэргэжилтнүүд хэлж байсан?

Завхан аймгийн эрүүл мэндийн газар өнгөрсөн жилээс тендерийн сонгон шалгаруулалтаа явуулж байгаа. Ямар ч асуудал гараагүй. Өнгөрсөн жилийн тендерийн хувьд эм бол хүний эрүүл мэндтэй холбоотой онцлог бараа учир чанарыг нь харгалзаж сонгосон. Зөвхөн хямд үнийг нь харж болохгүй. 2014 оны хувьд орон нутагтаа тендерийг зарласан байгаа. 600 сая гаруй төгрөгийн эмийн худалдан авалт.

-Ямар ч асуудал гараагүй гэж үү.

Тендерт оролцсон нэг компани Сангийн яаманд гомдол гаргасан. Одоо шалгагдаж байгаа. Бид нарын эцсийн зорилго бол хэн нэгний шахалтад орж хямд үнэтэй эмийг сонгох бус, иргэдийнхээ эрүүл мэндийг хохироолгүйгээр чанартай эмийг сонгох ёстой. Аль болохоор чанартай боломжийн үнэтэй эмийг сонгохын төлөө ажилладаг.

-Алслагдсан сумуудад эм эмнэлгийн хэрэгслийн хүртээмж ямаршуухан байдалтай байгаа вэ. Жил бүрийн зөвлөлгөөн болгоноор энэ асуудлыг ярьдаг. Эмийн үндэсний бодлогод хүртэл тусгагдсан байгаа шүү дээ?

Манай аймгийн хувьд нийт 24 сумтай. Тэдгээр сумд аймагтайгаа хамт тендерээ зарладаг. Харин тендерийн бус ороох боох материал, эмнэлгийн хэрэгслийг аймгийнхаа хүрээнд үйл ажиллагаа явуулдаг зургаан эм ханган нийлүүлэх байгууллагаас авдаг.

Нэг суманд эмнэлгийн хориос гучин хүн ажиллаж байна.

Сум бүрт эргэлтийн эмийн сангууд ажилладаг.  Гэхдээ эргэлтийн эмийн санд нэг асуудал байгаа нь хувиасаа санхүүждэг явдал. Эрүүл мэндийн нэгдлийн бүтцэд ордоггүй. Гэтэл сум цөөхөн хүн амтай учир ашиг олоод өөрсдийгөө санхүүжүүлнэ гэхэд хэцүү. Өнгөрсөн жил Эрүүл мэндийн сайд Н.Удвал аймагт ажиллах үеэр энэ асуудлыг их хөндөж тавьсан учраас удахгүй гарах эмийн бодлогод бас тусгагдах байх гэж найдаж байна.  

-Алслагдсан аймгийн хувьд хүн амын эмийн зохистой хэрэглээг төлөвшүүлэхийн тулд ямар ажлыг хийж байна вэ?

Эмийн зохистой хэрэглээний сургалт сурталчилгааг байнга хийдэг. Нэг суманд эмнэлгийн хориос гучин хүн ажиллаж байна. Хөдөө орон нутагт эрүүл мэндийн ажилтны хүртээмж боловсон хүчин дутагдалтай байсан үе өнгөрсөн. Харьцангуй сайжирсан.

Манайд гэхэд эмийн бодлого төлөвлөлтийг хариуцсан хоёр мэргэжилтэн хүрч ажиллаж чадаж байгаа.  Өнгөрсөн жил сумуудын бүх эргэлтийн эмийн сангуудыг шалгасан. Зөвлөмжөө өгсөн. Энэ жил бас шалгалт хийнэ.

 Ярилцсанд баярлалаа.