УИХ-ын чуулганы өнөөдрийн (2019.10.04) нэгдсэн хуралдаанаар Д.Ганзоригийг Зэвсэгт хүчний Жанжин штабын даргаар томилох эсэх асуудлыг хэлэлцлээ.

Зэвсэгт хүчний Жанжин штабын даргаар ажиллаж байсан А.Ганбат үүрэгт ажлаасаа өөрийн хүсэлтээр чөлөөлөгдсөн тул Монгол Улсын Ерөнхийлөгч хуульд заасан бүрэн эрхийнхээ хүрээнд Довчинсүрэнгийн Ганзоригийг Зэвсэгт хүчний Жанжин штабын даргаар томилох асуудлыг зөвшилцөх тухай албан бичгийг 2019 оны 10 дугаар сарын 01-ний өдөр Улсын Их Хуралд хүргүүлсэн. 

Зэвсэгт хүчний Жанжин штабын даргаар томилох асуудалтай холбоотойгоор УИХ-ын гишүүд асуулт асууж, үг хэллээ. 

УИХ-ын гишүүн Л.Болд:

"2 жилийн өмнө энэ өдөр УИХ-ын чуулганаас цэргийн алба хаагч байсан хүн Ерөнхий сайд болж байсан. Өнөөдөр ч шилдэг албан хаагч Д.ганзориг ЗХЖШ-ын дарга болохоор УИХ-аас дэмжлэгэ авахаар элэлцэж байна.

ЗХЖШ нь Засгийн газрын агентлаг. Бусад агентлагаасаа онцлог нь Ерөнхийлөгчийн шууд дуирдлага дор явдаг, УИХ-аас дэмжлэг авдаг. БХ-ын сайд байнгын хорооны хурал дээр байр сууриа илэрхийлсэн. Мөн УИХ-д ч илэрхийлэх ёстой.

Хуулийн өөрчлөлт дунд энэ оролцоог бүдгэрүүлсэн тал бий юм билээ. Энэ их хуралд хамгийн олон БХ-ын сайд нар бөайна. Тиймээс зэвсэгт хүчин, батлан хамгаалах салбарын хууль ихээхэн дэмжлэг авах боломжтой гэж үзэж байна. Цэргийн албан хаагчийн нийгмийн хамгаалал, бүх эрхээ хязгаарлуулж төрийн төлөө ажилладаг эдгээр хүмүүсийн нийгмийн халамж, хамгаалал хамгийн чухал асуудал юм шүү.

Хамгийн гол нь цэргийн албан хаагчийн эрүүл мэнд, амь нас хохирч байгаа явдал. Цэрэг, иргэний харилцаа нь зэвсэгт хүчний оршин тогтонох гол бааз. 10-аад жилийн өмнө Тусгай салаа гэж кино хүртэл хийж байсан. Угтаа бол цэргийн алба нь иргэн таны төлөө юм шүү гэдгийг ойлгуулах нь чухал юм. 

Зэвсэгт хүчин өөрөө социализмын үед, хүйтэн дайны нэг хэсэг, яваандаа нам засгаа хамгаалдаг улс төржсөн, миллитаржсан. Ардчиллын үед өмнөхөө үгүйсгэхтэй хамт зэвсэгт хүчин, монгол цэргээ үгүйсгэсэн хандлага явсан. Үүнээс үл ойлголцол их үүссэн. Энэ асуудлыг залруулах хэрэгтэй."