Нийгмийн бодлогын байнгын хорооны өнөөдрийн /2021,01,06,/ хуралдаан боллоо. Хуралдаанаар Засгийн газар 2018.03.26-ны өдөр өргөн мэдүүлсэн Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хэлэлцлээ.

Хэлэлцэж байгаа асуудалтай холбогдуулан УИХ-ын гишүүд асуулт асууж, хариулт авч байна.

УИХ-ын гишүүн Ц.Мөнх-Оргил:

Шинэ зохицуулалт орж ирсэн. Ажилтны мэдээллийг авах боловсруулах, ашиглах, хадгалахад тавигдаж байгаа шаардлага бий. Сүүлийн үед Хамгийн үнэ цэнтэй зүйл мэдээлэл болж байна. Олон улсын хөдөлмөрийн байгууллагын конвенцид ажилтныхаа мэдээллийг зардаггүй, аль нэг байгууллага, улс төрийн намд өгдөггүй. Тэр нь нарийн зохицуулалттай байх ёстой гэсэн шаардлага тавьж байгаа. Энэ нь ажилтнуудын тухай мэдээллийг хамгаалдаг, хадгалдаг тусгай журмыг хуулинд тавьж өгөх шаардлагатай болсон.

Хуулийн 44 дээр зөвхөн ажилтай холбоотой мэдээлэл ав. Хувь хүний амьдралтай холбоотой,гишүүнчлэлтэй холбоотой мэдээлэл авч болохгүй гэж оруулсан. Гарах зардал мөнгийг ажил олгогч гаргана. Ажилтан мэдээллээ засуулах шаардлага тавих эрхтэй. Энэ хуульд иргэд хооронд гэрээ байгуулж болохоор орсон. Гэрээний нөхцөлийг 2 хувааж оруулсан. Гол нөхцөл буюу 4 нөхцөл бий. Үүнд ажлын байрны нэр, ажлын байрны тодорхойлолт,ажил үүрэг гүйцэтгэх байршил,цалин хөлсний хэмжээ, хөдөлмөрийн нөхцөл энэ 4 нөхцөл хөдөлмөрийн гэрээн дээр заавал байна.

Нэмэлтээр шаардлагатай бол амралт, цалин хөлсний асуудлыг зохицуулж болно гэж заасан. 87-3 ажилтан өөрөө хүсвэл ажлын тодорхойлолт хүсэх эрхтэй. Ажил олгогчид хоорондоо ярьж байгаад ажилтны мэдээллийн бааз үүсгэх асуудал тусдаа.

Ц.Мөнх-Оргил: Төр суурь хэм хэмжээг тогтоож өгнө

1999 оны хуульд ихэнх асуудлыг төрөөс зохицуулахаар Төр суурь хэм хэмжээг тогтоож өгнө.Дээшлэх асуудлыг ажил олгогч, ажилтан тэдгээрийн төлөөлөл хоорондоо ярьж тохиролцоно.Нийгмийн түншлэлийг түлхсэн бодлого явуулна гэж тусгасан.

Цаашдаа хөдөлмөрийн харилцаа ажил олгогч, ажилтан ойлголцож, зөвшилцсөн явах зарчим дээр тулгуурлаж байгаа. Үүнийг хэрэгжүүлэхэд ямар ямар зарчим, баримт бичиг боловсруулахыг 13-14 дээр зааж өгч байгаа.Ажилтан, ажил олгогч, Засгийн газар гэсэн 3 талт хэлэлцээр орж ирсэн.

Ц.Мөнх-Оргил: Ажилтны мэдээллийг хадгалах, хамгаалах зохицуулалт тусгагдсан