УИХ-ын чуулганы нэгдсэн хуралдаанаар Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийн төслийн БОХХАА-н байнгын хорооны санал, дүгнэлтийг танилцуулав.

Санал дүгнэлттэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Г.Дамдинням

Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийн төслийг дэмжиж байна. Би өөрийгөө ийм хууль тогтоомжуудын үр нөлөөгөөр өдий зэрэгтэй явж байгаа гэж боддог. 1990-ээд оны эхэнд манай аав ээж хоёр хөдөө гарч мал маллаж байгаад зуданд өртөж малгүй болж зээл авч төлөөр нь төлөх байдлаар амьдралаа дахиж босгож ирж байсан юм аа. Тэгэхээр энэ хуулийн үндсэн санаа бол байгалийн хүнд цаг үеийн шалгуурыг даалгүй нурж унаж байгаа ялтч үгүй хэцүү байдалд орсон малчдаа дахин нэг өөдөн татах бодлого явж байгаа юм. Дархан-Уул аймаг, Сэлэнгэ аймгуудаар малчин иргэдтэй уулзаж явлаа малчидтай уулзаж явахад л энэ хуулийг маш их сургаж асууж байна ялангуяа хоршоод дээрээ ямар хэлбэрээр зээл өгөх юм бэ? Малын тэжээлээ тариалах газрыг хэзээ өгч эхлэх вэ? Энэ бол маш хэрэгтэй зүйл байна шүү гэсэн саналыг их ярьж байна тиймээс үүнийгээ бид нар шуурхай дагаж гарах дүрэм, журмуудаа гаргаад иргэддээ дэлгэрэнгүй сайхан танилцуулаад мэдээллээд жигд сайхан өгөөд явчихаасай гэж хүсэж байна. Бид нарын бодлогын хийх ёстой бас нэг алхмыг манай Дархан, Сэлэнгийн бүс нутгийн малчин ард иргэд маш их асууж ярьж байна тэр нь Дархан арьс ширний цогцолборыг их асууж байна. Дархан арьс ширний цогцолборыг хурдан байгуулаач ээ, энэхүү цогцолборыг байгуулж байж махаа үнэд хүргэнэ, малаа нэг газар төвлөрүүлж малынхаа арьс шир, түүхий эд дайвар бүтээгдэхүүнийг цуглуулдаг болно, нэмүү өртөг шингэнэ, орлого нэмэгдэнэ ингэж байж бид бүхэн цаг уурын хүндрэлтэй нөхцөл байдлын эсрэг санхүүгийн баталгаатай хүч чадалтайгаар үзэж чаддаг болно гэдэг ийм асуудлыг ярьж байна.

Г.Дамдинням: Малын тэжээлээ тариалах газрыг малчдад хэзээ өгч эхлэх вэ?