Өнөөдөр /2018.05.15/ УИХ-ын нэгдсэн чуулганаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн үзэл баримтлалын хэлэлцэх эсэх асуудлыг хэлэлцлээ. 

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийг УИХ-аас 2005 онд батлан 2006 онд хэрэгжүүлж эхэлсэн бөгөөд уг хуулийн өнөөдрийг хүртлэх хугацаанд 23 удаагийн нэмэлт, өөрчлөлт оруулсан байна. Дээрх хуулийг хэрэгжүүлэх явцад худалдан авах ажиллагаанд цахим системийг боловсронгуй болгох, үйл ажиллагааг олон нийтэд ил тод, нээлттэй байлгах, авлига ашиг сонирхлоос урьдчилан сэргийлэх, байгаль орчинд ээлтэй бараа, бүтээгдэхүүнийг худалдан авах, үндэсний үйлдвэрлэл, дотоодын бизнесийн орчныг төрөөс дэмжих, түүнчлэн олон улсын байгууллагуудад өргөн хэрэглэж байгаа урьдчилсан худалдан авах ажиллагааг нэвтрүүлэх зэрэг асуудлыг хуульчлах шаардлага үүсчээ. Иймд худалдан авах ажиллагааны эрх зүйн орчныг боловсронгуй болгох зорилгоор Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулльд нэмэлт, өөрчлөлт оруулах тухай хуулийн төслийг боловсруулсан байна.

 УИХ-ын гишүүн Б.Баттөмөр: 

Энэ хуулиар олон асуудлыг цэгцлэх хэрэгтэй. Цахим дэлгүүрийг яаж хөгжүүлэх вэ? Монгол улс ажил хийдэг идэвхтэй 5 сар байдаг. Тендер зарлах гэж хугацаа алддаг.Хугацаа хожихийн тулд цахим дэлгүүрүүдийг ашиглаж чадвал төсвийн мөнгийг хэмнэж болно гэж харж байна.Төсөл сунгахад нилээ мөнгө орж байна. Юунд зарцуулдаг юм бэ?

Ажлын хэсэг: Цахим дэлгүүрт байнгын хэрэглээний бүтээгдэхүүнийг авахаар зохицуулалт орсон. Ингэснээр цаг хугацаа хожно. Төсөв батлагдлаа. Цахим дэлгүүрээсээ худалдан авалт хийнэ.Зээл хөтөлбөр эхлэх хугацаанд эхлээгүйгээс болж зардал гардаг.