Монгол Улстай Агаарын харилцааны хэлэлцээр байгуулсан 39 орны хувьд дэлхийн хэмжээний томоохон агаарын тээвэрлэгчид нислэг гүйцэтгэх боломж бүрэн нээлттэй байдаг.

Тухайлбал,

АНЭУ-ын 4,
Сингапурын 6,
ОХУ-аас 9,
БНСУ-ын 6

Нийт 16 улсын 47 тээвэрлэгч Монгол Улсын нутаг дэвсгэрт хуваарьт нислэг гүйцэтгэхээр томилогдсон байдаг. Эдгээрийн нэг бол БНСУ-ын “ЭйрБусан” компани 2016 оны 6 сарын 24-нд анх үйл ажиллагаа явуулж эхэлсэн бөгөөд тасралтгүй 8 жил Монгол Улсын агаарын тээврийн салбарт ажиллаж байна.

Агаарын тээврийн салбарт үндэсний нэг тээвэрлэгч давуу эрхтэйгээр үйл ажиллагаа явуулж байсан нь салбарын бусад тээвэрлэгчдэд өрсөлдөх боломж олгодоггүй байсан. Цар тахлын дараагаас улс орнууд агаарын хилээ нээж, Монгол Улсын Засгийн газраас 2023-2025 оныг “Монголд зочлох жил” болгон зарласан төдийгүй “Шинэ сэргэлтийн бодлого”-доо Агаарын тээврийн чөлөөт өрсөлдөөн бүхий либералчлалыг эхлүүлсэнээр салбарын тээвэрлэгчид нэг гараанаас тэгш өрсөлдөх боломжийг бий болгосон.

2023 онд Монгол Улсад 651,061 жуулчин ирж, дотоодын эдийн засагт 1.2 тэрбум ам.долларын орлого оруулжээ. БНХАУ, ОХУ, БНСУ, Япон Улсын жуулчдад чиглэсэн тусгайлсан хөтөлбөр гаргаж, аялал жуулчлалын салбарын эрх зүйн таатай орчныг бүрдүүлэх, Монгол Улсыг дэлхийд таниулах гадаад сурталчилгаа маркетингийн цогц арга хэмжээг хэрэгжүүлснээр цахим орчинд манай орныг сонирхох хэрэглэгчдийн хандалт нэмэгдэж байна. Тиймээс жуулчид хамгийн ихээр ирж буй дээрх улс хооронд нислэг үйлдэж байгаа агаарын тээвэрлэгчдийн дунд үйлчилгээ, үнийн шударга өрсөлдөөн бий болж байгаа бөгөөд хамгийн хямд үнэтэй тийз авах боломжийг бзрдүүлж байна.

Эйр Бусан компанийн хувьд Монгол Улсаас БНСУ-руу зорчих Монгол иргэддээ бусад авиа компаниудаас хамгийн бага үнээр зорчих бодит боломжийг бүрдүүлээд байгаа юм.

БНСУ-ын Бусан хот бол монголчуудын хувьд эрүүл мэнд, гоо сайхны аялал жуулчлал, эргэн тойронд нь үйлдвэрлэл, аж ахуй өндөр хөгжсөн учраас бизнес эрхлэх зорилгоор зорчих хамгийн таатай чиглэл юм.

Монгол Улсад зочлох жил болгон зарласнаар агаарын тээврийг шинэ түвшинд гаргах, олон улсын нислэгийн чиглэл, давтамжийг нэмэгдүүлэх, илүү хурдацтай хөгжих боломж бүрдэж байна. Орон нутгийн олон улсын статустай нисэх буудлуудыг нээлттэй нисэх буудал болгон зарлах, жуулчин тээврийн нислэгийн зөвшөөрлийг чөлөөтэй олгодог болсон.

БНСУ-аас ирэх жуулчдын ихэнх нь Өмнөговь /Говийн элс, хоёр бөхт тэмээ, Ёлын ам/, Баян-Өлгий /Алтай таван богд/, Хөвсгөл /Хөвсгөл нуур/ зэрэг аймаг руу шууд очиж үзэх хүсэлтэй байдаг тул орон нутгийн нисэх буудлууд олон улсын нислэг хүлээн авах боломжийг бүрдүүлэх шаардлага бий.

"Агаарын тээврийн салбар нь аялал жуулчлалын салбарын хөгжлийг “чирж” явдаг учир тур оператор, аяллын агент гээд салбарын гол оролцогчдоо зах зээлд чанартай ажиллах, аялал жуулчлалын бүтээгдэхүүн, үйлчилгээг хөгжүүлэх нэн шаардлагатай байна. 2023 онд ирсэн жуулчдын тоо энэ онд 2 дахин нэмэгдэх төлөвтэй байгаа тул аялал жуулчлалын салбар, зочлох үйлчилгээний бизнес улам хурдацтай, олон улсын стандартад нийцэхүйц болох шаардлага тавигдаж байна."

Д.Баярсайхан "Air Busan airlines" Монгол дахь Захирал

Монгол Улс БНСУ-тай байгуулсан Агаарын тээврийн харилцааны хэлэлцээрээр долоо хоногт 10 нислэг хийдэг байсныг 70 буюу өдөрт дунджаар 10 нислэг хийх боломж бүрдүүлж, аялал жуулчлалын оргил ачааллын үед одоо өдөрт 12 хүртэл нислэг хийж байна.

“НЭЭЛТТЭЙ ТЭНГЭР” БОДЛОГО НЬ АГААРЫН ТЭЭВРИЙН “ЦУСНЫ ЭРГЭЛТ”-ИЙГ ТҮРГЭСГЭЖ БАЙНА