УИХ-ын гишүүд дунд малын тухай ярьдаг ганцхан хүн байдаг нь Д.Балдан-Очир гишүүн. Тэрээр өөрөө санаачлан УИХ-аар батлуулан гаргасан «Монгол мал» хөтөлбөрийг амжилттай хэрэгжүүлэхийн тулд ихээхэн анхаарал хандуулж байгаа билээ. Тиймдээ ч улсын хэмжээнд сум болгонд мал эмнэлэг үржлийн нэгжийг шинээр байгуулж байгаа аж. Ямартаа л ХХААХҮЯ-наас зохион байгуулж буй үржлийн нэгжийг ахалж ажиллах хүмүүст ХААИС дээр очиж лекц уншсан юм билээ. Харин тэрээр өчигдөр өөрийн сонгогдсон Завхан аймгийн 24 суманд ажиллах малзүйчдийг Төрийн ордонд хүлээн авч уулзан цаг үеийн асуудлаар болон өвөлжилтийн байдлын талаар чамгүй удаан ярилцжээ. Түүний ярианд манарсан малзүйчид хэсэгтээ гарах хаалгаа олохгүй Төрийн ордныг хэдэнтээ тойрч таваргасан гэдэг. Гэхдээ л сүүлийн 20 жилд малыг хувьд шилжүүлснээс хойш мал малчин хоёрыг төрийн бодлогоор дэмжиж байгаагүй бол «Монгол мал» хөтөлбөр батлагдсан. Ийнхүү малчидтай холбоотой олон чухал асуудал 2011 онд хэрэгжихээр боллоо хэмээн малзүйчид гишүүнийхээ талаар ам сайтай байдаг юм билээ.

Эх сурвалж: Өглөөний сонин