Энэ сарын 27-28-ны өдрүүдэд МАХН-ын Онц их хурал "АСА" циркт болж өндөрлөлөө.

Онц их хуралд сонгогдсон 1080 төлөөлөгчөөс 903 нь ирсэн буюу хурлын төлөөлөгчдийн ирц 83,6 хувь байлаа. Их хурал "Шинэ-төр", "Шинэ нам", "Шинэ хүн" намын улс төрийн илтгэлүүдийг сонсон хэлэлцэж, МАХН-ын Тунхаг бичиг, дүрэм, Мөрийн хөтөлбөр, намын бэлгэ тэмдэг, тугийг сайшаан баталлаа. Их хурал төлөөлөгчдийн олонхын саналаар МАХН-ын даргаар Н.Энхбаярыг сонгосон бол их хурлаас сонгогдсон анхдугаар Бага чуулганы 149 гишүүний олонхын саналаар намын дэд даргаар Ц.Шинэбаяр, ерөнхий нарийн бичгийн даргаар Н.Удвалыг сонголоо.

Намын Онц их хуралд нийтдээ 13 ТББ, иргэний хөдөлгөөний төлөөлөгчид урилгаар оролцсоноос гадна БНН, Монголын Ардчилсан Хөдөлгөөний Нам, МУНН-ууд МАХН-тай цаашид хамтран ажиллахаа илэрхийллээ. Их хурлаас нийтдээ 15 тогтоол гаргасан бөгөөд ялангуяа МАХН-ын XXVI их хурлаас гаргасан тогтоол шийдвэрийг хүчингүй болгох тухай тогтоолыг санал нэгтэйгээр батлан гаргалаа.

МАХН-ын Онц их хурал нь тус намын өмнөх хурлуудын хайрцагласан,урьдчилан төлөвлөгдсөн уйтгартай унтаа байдлаас эрс ангид чөлөөтэй нээлттэй, намынхаа нэрийг авч үлдэх, намаа шинэчлэх амьд эрмэлзлээр дүүрэн хурал болж өндөрлөлөө. Тухайлбал, тооллогын комисс саналын хуудаснуудыг тоолон завсар гарсан үед л гэхэд Монгол орны өнцөг булан бүрээс хүрэлцэн буриад, дөрвөд, казах зэрэг олон ястны төлөөлөгчид мэндээ өргөн барьсан нь ; нь болж байгаагүй бүх ар хурал боллоо.

С.Энх-Амар

МАХН-ын онц их хурал амжилттай өндөрлөв