УИХ-ын чуулганы /2025.10.31/-ний өдрийн хуралдаанаар УИХ-ын гишүүн Х.Булгантуяаг Дэд даргын үүрэгт албаас чөлөөлөх асуудлыг хэлэлцэх байв.

Гишүүд уг асуудлаар байр сууриа илэрхийлэв.

УИХ-ын гишүүн А.Ариунзаяа:

УИХ-ын дэд даргыг чөлөөлөх, УИХ-ын дэд даргад нэр дэвшүүлэх бүлгийн шийдвэртэй холбоотойгоор УИХ-ын дэгийн тухай хуульд заасан бүрэн эрхийнхээ дагуу бүлгээс санал гаргаад хэлэлцэх асуудлын тов дараалалд оруулаад явсан байгаа.

Тэгэхээр ҮХЦ-ийн шийдвэртэй, тусдаа асуудлыг албан тушаалын асуудлыг та бүхэн тусдаа яриад байх шиг байна. Намын бүлгийн эрх үүргээр хэнийг дэвшүүлж, хэнд хариуцлага тооцуулж, яах вэ гэдэг эрх үүргийнхээ дагуу даргын дэргэдэх зөвлөл дээр саналаа гаргаад өчигдөр хамтын шийдвэр гарч уг нь тов дараалалд ороод явсан.

УИХ-ын тухай хууль, Дэгийн тухай хууль дээр бүлгийн саналаар УИХ-д танилцуулах, нээлттэй санал хураалт явуулах заалтууд бий. Тэгэхээр уг 2 асуудлыг хооронд нь хольж хутгахгүйгээр тов дараалалд орсон асуудлыг хэлэлцүүлээд явчихвал их талархах байна аа.

Би хууль тайлбарлах гээгүй, процессыг ярьж байна. 2 асуудлыг хооронд нь холиод хэрэггүй. Өчигдөр манай намын бүлгийн ээлжит бус хурал болсон. Удирдах зөвлөлөөс ч тодорхой чиглэл ирсэн. Бид хамтын шийдвэрээ гаргасан.

А.Ариунзаяа: Намын бүлгийн шийдвэрээр УИХ-ын чуулганд хэлэлцэх асуудлыг оруулдаг энэ процесс алдагдаж байна