Монгол улсын эдийн засгийн тогтвортой байдлыг хангахад хувь нэмэрээ оруулсан, ялангуяа банкны салбарт олон жил идэвхи зүтгэл, үр бүтээлтэй ажилласаныг нь үнэлж Сангийн дэд сайд Ч.Ганхуягийг “Банк санхүүгийн байгууллагын тэргүүний ажилтан” цол тэмдэгээр шагналаа. Шагналыг Монгол банкны ерөнхийлөгч Л.Пүрэвдорж өчигдөр гардуулсан юм.

Ч.Ганхуягийн хувьд 1992 онд Хөрөнгийн биржээс ажил амьдралынхаа гарааг эхэлж байсан бөгөөд 1997 оноос Монгол банкинд ажиллаж эхэлсэнээс хойш банкны салбарт тасралтгүй ажиллаж ирсэн залуу банкир юм. Тэрээр КИДАН ХЗХ, Хөгжлийн Алтан Сан Холбоо ТББ, Монголын Ипотекийн Корпораци (МИК) зэрэг нэр хүнд бүхий санхүүгийн байгууллагуудын үүсгэн байгуулагч бөгөөд улмаар Монголын банк санхүүгийн тэргүүлэх байгуулагын нэг болох “ХАС” банкыг үүсгэн байгуулж, гүйцэтгэх захирлаар ажиллаж байсан. Одоо Монгол улсын Сангийн дэд сайдаар ажиллаж байгаа гэдгээр нь олон түмэн сайн мэдэх билээ.

Монгол улсын санхүүгийн нэр хүнд бүхий томоохон байгуулагуудад үр бүтээлтэй ажиллаж ирсэн бөгөөд орчин үеийн банкны салбарын түүхтэй түүний нэр салшгүй холбоотой явж байдаг. Тэрээр монголыг төдийгүй дэлхий нийтийн хамарсан эдийн засгийн хямралыг даван туулахад банк санхүүгийн байгууллагыг амжилттай, зөв удирдан авч явж, эдийн засгийн тогтвортой байдлыг хангах талаар ихээхэн үр дүнтэй ажилласан зэргийг өндрөөр үнэлж энэхүү шагналыг гардуулж байгаа гэдгийг Монгол банкны ерөнхийлөгч Л.Пүрэвдорж шагнал гардуулах үеэр онцолж баяр хүргэсэн юм.

Дэд сайд Ч.Ганхуяг “Банк санхүүгийн тэргүүний ажилтан” боллоо