Баянхонгор аймаг 21 сумтай. Эдгээр сумдын дөрөв нь эрчим хүчинд холбогдоогүй байсан юм. Харин тус аймгаас УИХ-д сонгогдсон УИХ-ын гишүүн, ЗТБХБ-ын сайд Х.Баттулга Хүрээмарал, Баянбулаг сумдыг эрчим хүчтэй болгож өгсөн байна. Х.Баттулга сайд гишүүн бүрт төсвөөс хуваиралсан тойргийн хөрөнгө оруулалтын нэг тэрбум төгрөгөө сумдыг эрчим хүчтэй болгоход зориулж байгаа юм байна.

Хүрээмарал сум нь 1990 –ээд оноос хойш арав гаруй жил цахилгаан эрчим хүчгүй, өдрийн цагааг мотор асаадаг байжээ. Цахилгаан эрчим хүчтэй болсон сумын иргэд тойргоос сонгогдсон гишүүндээ ихээхэн баярлаж байгаа ажээ. Ингэж сум цахилгаантай болсоноор иргэдийн амжиргаа дээшилж, жижиг дунд үйлдвэрлэл эрчимтэй хөгжинө хэмээн Хүрээмарал сумын иргэд үзэж байна.