Баянхонгор аймаг 21 сумтай. Эдгээр сумдын дөрөв нь эрчим хүчинд холбогдоогүй байсан юм. Харин тус аймгаас УИХ-д сонгогдсон УИХ-ын гишүүн, ЗТБХБ-ын сайд Х.Баттулга Хүрээмарал, Баянбулаг сумдыг эрчим хүчтэй болгож өгсөн байна. Х.Баттулга сайд гишүүн бүрт төсвөөс хуваиралсан тойргийн хөрөнгө оруулалтын нэг тэрбум төгрөгөө сумдыг эрчим хүчтэй болгоход зориулж байгаа юм байна.

Баянбулаг сумын хувьд олон жил эрчим хүчгүй байсны улмаас Японы цахилгаан мотор ашиглаж, өглөө 8.00-16.00 цаг хүртэл хязгаарлалтай эрчим хүчтэй байсан юм. Иргэд нь цахилгаан хэрэгслээ хэрэглэж чадахгүй, төрийн байгууллага нь гар бичмэлээр ажлаа амжуулдаг байсан энэ сумынхан одоо 280кВт-ын хүчин чадалд суурилагдсан эрчим хүчтэй боллоо.