Улсын хэмжээнд он гарсаар 66 удаагийн ой, хээрийн түймэр гарсан байна. Өнөөдрийн байдлаар нэг түймэр гарч байгаа аж. Тодруулбал, Дорнод аймгийн Халх гол сумын Улаан худгийн хилийн II заставаас урагш 20 км-т энэ сарын 25-ны өдөр хээрийн түймэр гарсан байна. Уг түймрийг Хилийн цэрэг, орон нутгаас нийт 45 хүн ажиллаж өчигдөр өглөөний 06:00 цагийн үед цурманд оруулж бүрэн унтраахаар ажиллаж байгаа аж. Харин өнгөрсөн хоногт нийслэлийн хэмжээнд обьектын гал түймрийн гурван дуудлага ирсэн байна.