Нийслэл хотын ногоон байгууламжийг сэргээн моджуулах аян сүүлийн үед өрнөж байна. Өнгөрсөн баасан гарагт УИХ-ын гишүүн Г.Баярсайханы санаачлагаар Чингэлтэй хайрханыг Улаанбаатарын загвар “Эко парк” болгох ажлын нээлт болов. Эко парк байгуулахаар нийт 4 га газарт шинэс, нарс, улиангар, нохойн хошууны 12 мянган суулгацыг тарьж байна.
Суулгац тарих ажлыг ШУТИС-ийн Ойн модны сургалт судалгааны хүрээлэнгийн эрдэмтэн, багш, оюутнууд технологийн дагуу хийж суулгацаа Төв аймагт байрлах өөрийн үржүүлгийн газраасаа авч ирсэн гэнэ. Эколгич гишүүний хувьд энэхүү санаачлан хийж буй Эко парк байгуулах ажил нь 2010 онд тойрогтоо хийх ажлын төлөвлөгөөнд орсон байна. Уг эко парк модыг хамгаалах төмөр хашаа, гэрэлтүүлэг, усалгааны худаг, харж хамгаалах харуултай байх аж.