2012.04.17
Оюу Толгойн гэрээ Монгол Улсад ашиггүй гэдэг дүгнэлт гарчээ
УИХ-ын гишүүн Д.Ганхуяг, Г.Баярсайхан, С.Эрдэнэ, Л.Гүндалай нар уул уурхайн ашиглалтын асуудлаар дөнгөж сая мэдээлэл хийж дууслаа. Гишүүд Монголд стратегийн ордод оруулах 69 ордын жагсаалтыг гаргаж байсан ч удаа хугацааны туршилд хасагдсаар дөнгөж 15 ордыг стратегийн ордод оруулсаныг онцоллоо. УИХ-аас өнгөрсөн дөрвөн жилийн хугацаанд стратегийн ордод оруулах ордын холбогдох судалгааг ирүүлэхийг хүссэн ч одоо хүрэл ирүүлээгүй байгаа гэнэ. Одоо байгаа стратегийн 15 ордын 14 нь улсын хөрөнгөөр хайгууль хийж, нөөц тогтоосон ч олонх нь гадны эзэмшилд лиценз нь очсон байна.
Эрдэнэт, Багануурын ордоос бусад нь гадны эзэмшилд очсон хэмээсэн юм. Тавантолгой, Төмөртэйн ордыг Монголын хөрөнгөөр хайгууль хийж нөөцийг нь тогтоосон ч гадны эзэмшилд бүрэн шилжсэн гэж тэд үзэж буйгаа илэрхийллээ. УИХ-ын гишүүн Д.Ганхуяг “Өнгөрсөн дөрвөн жилийн хугацаанд бид Засгийн газар, холбогдох салбар яаманд нь ордуудын стратегийн ордод оруулах шаардлага тавьж ирсэн ч үр дүнд хүрээгүй” хэмээлээ.Харин цорын ганц гадны хөрөнгөөр хайгууль хийсэн орд нь Оюу Толгойн орд юм байна. Гэтэл Оюу Толгойн ордоос Монгол Улс ямар нэгэн ашиг хүртэхгүй гэдэг дүгнэлтийг гаргасан талаар гишүүд мэдээлэлээ. УИХ-ын Тамгийн газрын Судалгаа шинжилгээний төвөөс Оюу Толгойн ордын гэрээ, тус ордтой холбоотой судалгаа хийж дүгнэлт гаргасан байна. Оюу Толгойн гэрээ нь Монгол Улсад ашиггүй, ордоос өндөр ашиг хүртэхгүй хэмээн дүгнэлт гаргасан байна.
Экспертүүдийн сэтгэгдэл
Одоогоор сэтгэгдэл нэмэгдээгүй байна. 
