АНУ-ын Ерөнхийлөгч Барак Обама улсынхаа “ABC” телевизийн сувагт ярилцлага өгөх үеэрээ ижил хүйстнүүдийн гэрлэлтийг дэмжлээ. Ийм мэдэгдлийг АНУ-ын төрийн тэргүүн анх удаа хийж байгаа юм. Өмнө нь Б.Обама энэ асуудлаар тодорхой ха­риулт өгөлгүй, “Ижил хүйст­нүүдийн гэрлэлтийн талаарх миний үзэл бодол байнга өөрчлөгдөж байгаа” гэдгээр хязгаарладаг байсан.
Б.Обама “Би энэ шийд­вэрийг амархан гар­гаагүй. Энэ сэдвээр маш их бодож, эргэ­цүүлсэн. Найз нөхөд, ойр дотны хүмүүстэйгээ ч зөв­лөлдлөө. Тэгээд ижил хүйст­нүүд гэр бүл зохиох эрхтэй гэсэн дүгнэлтэд хүрсэн юм. Энэ талаар олон нийтэд мэдээлэх нь миний хувьд маш чухал” хэмээжээ.

Дашрамд дурдахад өмнө нь Б.Обама АНУ-ын Зэвсэгт хүчинд хүчин төгөлдөр үйлчилж байсан “Бүү асуу, бүү хариул” дүрмийг хүчингүй болгосон юм. Тус дүрмийн дагуу ижил хүйстнүүд бэлгийн чиг хандлагаа нуусан тохиол­долд Зэвсэгт хүчинд алба хаах боломжтой байсан юм.

Түүнч­лэн Б.Обамагийн үед эмнэлгийн эргэлтэд тог­­тоосон хязгаарлалтыг халсан. Учир нь эмнэлгийн өвчтөнийг зөвхөн хамаатан садан болон хууль ёсны хань ижил нь эргэх эрхтэй бөгөөд ижил хүйстэн хосуудын хувьд хориотой байв.