Хамгийн сүүлд Дорнод аймагт нэр дэвшихээр 801 хүний гарын үсэг цуглуулсан хэмээн “Дорнод гурил” компанийн захирал Х.Болорчулуун хэвлэлийн бага хурал зарлаж, албан ёсоор мэдэгдсэн.

Үүний өмнө МҮЭХ-ны тэргүүн С.Ганбаатар МҮЭХ-ны ээлжит хурлын үеэр Хан-Уул дүүрэгт бие даан нэр дэвших шийдвэр гаргасан талаар мэдэгдээд байгаа билээ. Харин 2012-2016 оны парламентад сонгогдсон гишүүдээс УИХ-ын гишүүн Ц.Даваасүрэн энэ удаагийн сонгуульд МАН-аас биш бие даан нэр дэвшихээ илэрхийлээд байна.

Нийслэлийн хувьд УИХ-ын 22-р тойрог буюу Баянзүрх дүүрэгт эмч Р.Оюунцэцэг  нэр дэвшихээ илэрхийлээд байна. Мөн “Үндэсний эв” эмэгтэйчүүдийн холбооны тэргүүн Б.Батцэцэг Хан-Уул дүүрэгт нэр дэвшинэ гэх мэдээлэл сүүлийн үед чих дэлсэв.

Энэ мэтчилэнгээр нэр дэвших бэлтгэлээ хангасан нэр дэвшигчдийн нэрс тодорсоор тавдугаар сарын 25-ны өдөр гэхэд эцсийн байдлаар 2012 оны сонгуульд нэр дэвшигчдийг Сонгуулийн ерөнхий хороо зарлах нь.

Дашрамд дурьдахад, Сонгуулийн шинэ хуулиар бие даан нэр дэвшигчдэд тавих арван сая төгрөгийн босго өөрчлөгдөөгүй байгаа гэв.