-Энэхүү оюун санааны төслийг та санаачилсан. Яагаад ийм зүйл хийхээр болсон бэ?

-Түүхийн хөгжлийг залуус бүтээсэн байдаг. Залуус л эрүүл нийгэм эрүүл орчинг бүрдүүлж чадна. Бид л байгаль эх дэлхийгээ хайрлаж, эх орныхоо ногоон байгууламжийн төлөө бид л зүтгэх ёстой. Мөн сүйдсэн газар шороог нөхөн сэргээх шаардлагатай. Эдгээр зүйлсийг хийх ёстой хэмээх сэдлийг залууст өгөх хэрэгтэй байна. Эх орноо гэсэн сэдлийг суулгах зорилгоор л оюун санааны төслийг санаачилсан. Энэхүү төсөл нэг жилийн хугацаанд хэрэгжинэ. -

-Бид нэг мөрөөдэлтэй нэр нь ямар учиртай юм бэ?

Залуусын мөрөөдөл бол сайхан амьдрал, эрүүл нийгэм шүү дээ. Тийм учраас энэ нэрийг өгсөн. Сайхан амьдралыг эрүүл нийгэм бүтээнэ. Эрүүл нийгмийг залуус цогцлооно. Тэр үүднээсээ мөрөөдлөө үр дүн болгох гэж энэ нэрийг өгсөн. Залуу уран бүтээлчид энэ ажилд маань нэгдэн оролцож байгаад баяртай байна.

-Энэ үйл ажиллагаа чинь улс төр юм биш үү?

-Энэ бол иргэн хүний үүрэг. Залуу хүний хийх ёстой ажил. Улс төр гэж огт ойлгож болохгүй. АНУ-ын залуусын 30% нь өөрсдийгө эко гэдэг. Яг түүн шиг Монгол залууст эко үзэл бодол суулгах нь л гол асуудал юм.

-Үр дүнг нь хэрхэн хүлээж байна вэ?

-Үр дүнг бид маш сайханаар гарч ирнэ гэж хүлээж байна. Залууст эко ухамсар суусан. Эрүүл ногоон амьдралын төлөө тэмүүлдэг болсон байна.

-Шоунаас өөр ямар арга хэмжээ явуулах вэ?

-Залуусыгаа эко боловсролд хамруулж, хэлэцүүлэг хийнэ. Уулзаж ярилцана гэх мэт олон ажил санаачилсан байгаа.

Өнгөрсөн амралтын өдөр “Бид нэг мөрөөдөлтэй” нэртэй оюун санааны төслийн хүрээнд шоу тоглолт зохиогдсон. Уг төслийг УИХ-ын гишүүн Г Баярсайхан санаачлан явуулж байгаа юм байна. Төслийн зорилго нь залууст эх оронч, ногоон байгалийг бүтээх үзэл бодлыг суулгахад оршино. Энэхүү шоунд олон залуу уран бүтээлчид оролцсон юм. Залуу дуучдаас эко амьдралыг хэрхэн бүтээх талаар тодруулсанаа хүргэе.

Дуучин Цэлмүүн: Би эх орноо ногоон болоосой гэж хүсэж байна

Өнөөдрийн арга хэмжээнд яагаад нэгдэх болсон бэ?

Би өөрөө Биотехнологийн ангид сурдаг. Тэр үүднээсээ эх орноо ногоон байгаасай гэж хүсэж байна. Ногоон байгаль, ногоон ертөнц бол бидний эрүүл сайхан амьдралын эхлэл юм. Надтай адил үзэл бодолтой байгаа залуустайгаа дуу хоолойгоо нэгтгэж байгаа даа баяртай байна.

Залуус яг юу хийх ёстой вэ?

Усаа гамтай хэрэглэж, зүлгэн дээр гишгэхгүй байх, хогоо зориулалтын саванд хийх гэх мэт энгийн зүйлээс л бүх юм эхэлнэ. Наад захын энгийн зүйлээ хийж байж л том юм хийж чадна шүү дээ.

A-Sound хамтлаг: Залуусаа эко амьдралын төлөө хамтдаа

Эко амьдралыг бид яаж бүтээх юм бэ?

Усанд орохдоо усаа бага хэрэглэе.Шүд угаахдаа стаканд усаа хийж угаах гэх мэт бага ч гэсэн зүйлийг залуус бид хийж байж л эко амьдрал үүснэ шүү. Залуусаа эко амьдралын төлөө хамтдаа тэмцэе.

Г.Баярсайхан: Монгол залууст эко үзэл бодол суулгах хэрэгтэй